Չորեքշաբթի, 1 Նոյեմբերի 2017 12:25

Արմինֆո. Երևանը մտադիր է ավելացնել  գյուղատնտեսական արտահանումը Ռուսաստան: Այդ մասին «ՌԻԱ Նովոստի»-ին հայտարարել է Հայաստանի նախագահ Սերժ Սարգսյանը:

 

Նրա խոսքով, Հայաստանը Եվրասիական տնտեսական միության երկրի կարգավիճակով առաջին հերթին հետապնդել է հենց այդ նպատակները, այսինքն՝ ԵԱՏՄ անդամ երկրների հետ ապրանքաշրջանառության ավելացում: «Անցած տարի Ռուսաստան մեր արտահանման աճը գյուղատնտեսության ոլորտում կազմել է շուրջ 40% ։ Այս տարի ցուցանիշներն ավելի ցածր են, բայց 35 տոկոսից բարձր են։ Մենք Հայաստանում լավ տեմպերով զարգացնում ենք ջերմոցային տնտեսություն։ Ընդհանուր առմամբ պետք է ասեմ, որ գյուղատնտեսությունը Հայաստանում շատ զարգացած է, բայց ավելի մեծ աճի ներուժ կա։ Եթե խոսենք գյուղատնտեսական արտադրանքի տեսակներից, որոնք մենք կարող ենք Ռուսաստան արտահանել, ապա դրանք են՝ բանջարեղեն, մրգեր, պահածոներ, պանիր»,- ասել է ՀՀ նախագահը:

 

Պատասխանելով այն հարցին, թե կարող է Հայաստանը մասնակցել Ռուսաստանի՝ ներմուծման փոխարինման ծրագրին, Սարգսյանն ասել է. «Անպայման: Այստեղ նույնպես մեծ հնարավորություններ կան: Առաջին հերթին մենք զբաղվում ենք արդյունաբերական կոոպերացիայի հարցերով, և կզարգացնենք սարքավորումների, հաստոցների, մեքենաշինության, ռադիոէլեկտրոնիկայի արտարդությունը։ Այստեղ մեծ հնարավորություններ կան։ Այս առնչությամբ անպայման պետք է հաշվի  առնել, որ բոլոր հայերի 2/3-ը Հայաստանից դուրս է ապրում։ Նրանք լավ ինտեգրված են այն երկրների հասարակություններում, որտեղ ապրում են և վատ արդյունքների չեն հասնում այդ թվում արդյունաբերության ոլորտում։ Նրանք հետաքրքրվում են մեծ շուկաներով։ Մենք արդեն ստեղծել ենք մի քանի համատեղ ձեռնարկություններ։  Եվ երբ ես խոսում եմ արդյունաբերական համագործակցության զարգացման մասին, ես նկատի ունեմ ժամանակակից մրցունակ ապրանքի թողարկումը»,- նշել է ՀՀ նախագահը:

 

Խոսելով Ռուսաստանի, Հայաստանի և Իրանի միջև եռակողմ տնտեսական համագործակցութփյան մասին՝ հաշվի առնելով Եվրասիական տնտեսական միության հնարավորությունները՝ Սարգսյանը հիշեցրել է, որ Հայաստանը ԵԱՏՄ անդամ երկրների համաձայնությամբ ազատ առևտրի գոտի է ստեղծել Իրանի հետ սահմանին՝ Մեղրիում, և հաշվի առնելով, որ մյուս կողմից նույնպես գործում է ազատ տնտեսական գոտի՝ այստեղ, իհարկե, մեծ հնարավորություններ կան:

«Մենք ԵԱՏՄ շրջանակներում բանակցություններ ենք վարում իրանական կողմի հետո ազատ առևտրի մասին պայմանագրի ստորագրման շուրջ: Կարծում եմ, որ բանակցություններն արդյունավետ ավարտ կունենան, և մենք կստորագրենք համաձայնագիրը»,-նշել է ՀՀ նախագահը: