Չորեքշաբթի, 8 Նոյեմբերի 2017 18:24

Արմինֆո. Վերակառուցման և զարգացման եվրոպական բանկը (ՎԶԵԲ) բարելավվել Հայաստանի ՀՆԱ-ի աճի կանխատեսումը, նախկին 2.5%-ից մինչև 3.5%, նման աճ ակնկալելով նաև 2018 թվականին (նախորդ 3% փոխարեն): Այս մասին ասվում «Տարածաշրջանային տնտեսական հեռանկարները ՎԶԵԲ-ի ներկայության երկրներում» նոյեմբերյան զեկույցում (Regional Economic Prospects in EBRD Countries of Operations):

«Հայաստանի տնտեսական աճը 2017 թվականի առաջին կեսին թափ է հավաքել, 2016 թվականին տեղի ունեցած գրեթե լճացումից հետո: Երկրի ՀՆԱ-ն 2017-ի առաջինն եռամսյակում աճել է 6,5%, երկրորդում`5,5%: Տնտեսության աճն ապահովվել է արտահանման ուժեղ ցուցանիշներով, ինչպես նաև դեպի Հայաստան կատարվող դրամական փոխանցումների աճի վերականգնումով, եռամսյա նվազեցումից հետո: Մյուս կողմից, 2017 թվականի առաջին 9 ամիսներին շինարարության և գյուղատնտեսության համախառն արտադրանքի ծավալները շարունակում էին նվազել: Գնաճը սպառողական շուկայում դանդաղ աճել է, 2017-ի հունվար-սեպտեմբերին տարեկան կտրվածքով հասնելով 0.6%-ի, ինչը տեղի է ունեցել դրամավարկային պայմանների թեթևացման և տնային տնտեսությունների սպառման վերականգնման շնորհիվ», - ասված է զեկույցում:

Աղբյուրը նշում է նաև, որ Հայաստանում ներկայիս ֆիսկալ կոնսոլիդացումն ուղղված է պետական ​​պարտքի աստիճանական կրճատմանը: Պետական ​​բյուջեի դեֆիցիտի հարաբերակցությունը ՀՆԱ-ի նկատմամբ 2017 թվականին 2017 թվականի պլանով նվազել է մինչև 3%, 2016-ի 5,6% -ի փոխարեն, պայմանավորված պետական ​​ներդրումներով, որոնք իրենց ծավալներով զիջում են նախորդ տարվա ծավալներին: Բանկային հատվածը, հաջող վերակապիտալիզացիայի արդյունքում, ըստ ՎԶԵԲ կանխատեսման, լավ հնարավորություններ ունի տնտեսության վարկավորման ծավալների ավելացման առումով:

ՎԶԵԲ-ի վերլուծաբանները ակնկալում են, որ Հայաստանի տնտեսական աճը կխթանեն հիմնական առևտրային գործընկերներ-երկրների տնտեսությունների վերականգնումը, բայց Հայաստանի տնտեսությունը շարունակում է մնալ խոցելի, այդ թվում նաև կապված արտաքին շուկայի անկայունության ռիսկերի հետ: Միևնույն ժամանակ, չլուծված է մնում Լեռնային Ղարաբաղի հակամարտությունը, որը կարող է վտանգ առաջացնել Հայաստանի տնտեսության աճին:

Նշենք, որ Հայաստանի 2017-ի պետական ​​բյուջեի ծրագրով ՀՆԱ-ի աճը նախախատեսվում է 3,2%, 2016-ի 2.26% -ի փոխարեն: Երկրի կառավարությունը սեպտեմբերի վերջին կայացած նիստում հավանություն տվեց երկրի 2018-ի պետ​​բյուջեի նախագծին, որտեղ ՀՆԱ-ի աճը նախատեսվում է 4.5%: ՀՀ Ազգային վիճակագրական ծառայության տվյալներով, Հայաստանում տնտեսական ակտիվությունը 2017 թվականի հունվար-սեպտեմբերին աճել է 5.1% (2016-ի նույն ժամանակահատվածում`1,6%): 2016-ին ՀՆԱ-ի աճը դանդաղեց մինչև 0,2%, 2015-ի 3,2%-ից հետո:

Հիշեցնենք, որ ԱՄՀ հոկտեմբերի նորացված կանխատեսումներով, Հայաստանի ՀՆԱ աճը 2017-ին բարելավվել է մինչև 3.5%, որը 2018-ին կդանդաղի մինչև 2.9%: Համաշխարհային բանկի կանխատեսմամբ, ՀՆԱ-ի աճը Հայաստանում 2017 թվականին կկազմի 2.7%, իսկ 2018-ին` 3.1% և 2019-ին`3.4%: Ըստ ԵԱԶԲ-ի կանխատեսման, 2017 թվականին Հայաստանի ՀՆԱ աճը կկազմի 2.9%, Ասիական Զարգացման Բանկ`2.2%: Fitch- ը բարելավել է Հայաստանում ՀՆԱ-ի աճի 2017-ի կանխատեսումը`մինչև 3,4%, 2018-ին`3,6%: Ըստ ՀՀ ԿԲ նորացված կանխատեսման, Հայաստանի ՀՆԱ-ի աճը 2017 -ին կկազմի 3,9-4,8%, իսկ 2018 թվականին`5.5%, հիմնական շարժիչ ուժն անվանելով սպասարկման ոլորտը: ՀՀ ԿԲ կանխատեսմամբ `2017-ին պետական ​​պարտքի և ՀՆԱ-ի հարաբերակցությունը կկազմի 55%, իսկ պետական ​​բյուջեի դեֆիցիտը ՀՆԱ-ում 2018-ին կանխատեսվում է 2.7%, 2017-ին` 3.6%: Իսկ ֆիզիկական անձանց դրամական փոխանցումների գծով Կենտրոնական բանկը վերանայել է աճի իր կանխատեսումը 2017 –ի համար, նախորդ`14-16%-ից մինչև ներկայիս`12-14%, ինչը պայմանավորված է ՌԴ տնտեսության դանդաղ վերականգնումով: