Արմինֆո. Հայաստանի ապահովագրական հատվածը 2017 -ի հունվար-սեպտեմբերին վճարել է 2,1 մլրդ դրամի կամ 4,4 մլն դոլարի հարկեր, տարեկան կտրվածքով աճը`31,3%: Այդ գումարից 1,9 մլրդ դրամը կազմել են ուղղակի հարկերը (շահութահարկ և եկամտահարկ), ինչը 26,7% -ով գերազանցում է նախորդ տարվա ցուցանիշը: ՀՀ Պետական եկամուտների կոմիտեի տվյալներով, Հայաստանի 1000 խոշորագույն հարկատուների ցանկում, 2017 թվականի 9 ամիսների արդյունքներով, ընդգրկվել են շուկայում գործող բոլոր 6 ապահովագրական ընկերությունները:
Ցանկը գլխավորում էր ԻՆԳՈ Արմենիա ընկերությունը, որն զբաղեցրել է 153-րդ տեղը (նախորդ տարի`234-րդ տեղ), պետական բյուջեի վճարելով 673.9 մլն դրամ, որից 642,5 մլն դրամի ուղղակի հարկեր: «Ռոսգոսստրախ Արմենիա»-ն 160-րդ տեղում է (2016-ին`204 տեղ) վճարելով 643,5 մլն դրամ, որից 583,9 մլն դրամի ուղղակի հարկեր: Այնուհետև հաջորդում են` «Նաիրի Ինշուրանս» - 303 տեղ (283 տեղ), վճարել է 324.8 մլն դրամ, 300.4 մլն դրամի ուղղակի հարկեր, «Սիլ Ինշուրանս» - 475 տեղ (487 տեղ), վճարել է 191.4 մլն դրամ, 167.4 մլն դրամի ուղղակի հարկեր, «ՌԵՍՈ» - 649 տեղ (662 տեղ), վճարելով 137,7 մլն դրամ, 118 մլն դրամի ուղղակի հարկեր և «Արմենիա Ինշուրանս»-ը - 664 տեղ (479 տեղ), վճարելով 134.2 մլն դրամ, որից 121.5 մլն.դրամի ուղղակի հարկեր:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, Հայաստանի ապահովագրական հատվածի կուտակված միագումար շահույթը 2017 թվականի հոկտեմբերի 1-ին կազմել է 5.2 մլրդ դրամ, տարեկան կտրվածքով ավելանալով ընդամենը 1.5%: Հոկտեմբերի 1-ի դրոթյամբ այս ցուցանիշը դրական մակարդակում է եղել 6 գործող ընկերություններից 4-ում: Կուտակված շահույթի տարեկան աճ է արձանագրվել միայն երկու ընկերություններում, իսկ մնացած չորսում այն նվազել է: Կուտակված շահույթով առաջին տեղում է «Ռոսգոսստրախ Արմենիա»-ն - 3.04 մլրդ դրամ ցուցանիշով (տարեկան անկումը`21,2%), երկրորդ տեղում է «Արմենիա Ինշուրանսը» - 2.02 միլիարդ դրամ (տարեկան աճը`16,7% ), երրորդն է «Նաիրի Ինշուրանսը» - 1.15 մլրդ դրամ (տարեկան աճը`15.6%), չորրորդ տեղում է « ԻՆԳՈ Արմենիան» - 690.8 մլն դրամ (տարեկան անկումը`36,5%): Վնասներ են կուտակել «Սիլ Ինշուրանսը» և «ՌԵՍՈ»-ն, 1.7 մլրդ դրամ ընդհանուր ծավալով (տարեկան 41.7% աճով): 2017-ի 9 ամիսները Հայաստանի ապահովագրական հատվածը եզրափակել է 2.1 մլրդ դրամ հաշվեկշռային շահույթով (տարեկան անկումը`52.3%), իսկ հարկերի վճարումից հետո զուտ շահույթը կզմել է 1,7 մլրդ դրամ (տարեկան անկումը`56.1%): Զուտ շահույթի գծով առաջատարն է «Ռոսգոսստրախ Արմենիան», որին հաջորդում են` «Նաիրի Ինշուրանսը», «Արմենիա Ինշուրանսը», ԻՆԳՈ Արմենիան: Եվ միայն «Սիլ Ինշուրանսը» և «ՌԵՍՈ» -ն 2017 թվականի 9 ամիսները եզրափակել են վնասով, մինչդեռ, անցյալ տարվա նույն ժամանակահատվածը նրանք եզրափակել էին զուտ շահույթով: (ՀՀ դրամի հաշվարկային փոխարժեքը 30.09.2017-ի դրությամբ, կազմել է 478.41 դրամ /դոլար):