Արմինֆո. ՀՀ գյուղատնտեսության նախարար Իգնատի Առաքելյանն այսօր ընդունել է Գյուղատնտեսության զարգացման միջազգային հիմնադրամի (IFAD) Հյուսիսային Աֆրիկայի և Եվրոպայի ստորաբաժանման հայաստանյան ծրագրի ղեկավար Ռամի Սալմանին, որը Հայաստան է ժամանել ՀՀ կառավարության աշխատակազմի «Գյուղական տարածքների տնտեսական զարգացման-ԾԻԳ» բաղադրիչի «Ենթակառուցվածքների և գյուղական ֆինանսավորման աջակցության ծրագրի» (ԵԳՖԱԾ) վերահսկողության նպատակով:
Ինչպես ԱրմԻնֆո գործակալությանը տեղեկացվել է ՀՀ գյուղատնտեսության նախարարության տեղեկատվության և հասարակայնության հետ կապերի բաժնից, հանդիպման սկզբում Ռամի Սալմանը հայտնել է հիմնադրամի պատրաստակամությունը ՀՀ գյուղատնտեսության նախարարության հետ համատեղ մշակել և իրականացնել նոր ծրագրեր, որոնք համահունչ կլինեն գյուղատնտեսության ոլորտի ներկայիս առաջնահերթություններին և գերակա խնդիրներին:
Այնուհետև ՀՀ գյուղատնտեսության նախարար Իգնատի Առաքելյանը ներկայացրել է Հայաստանի գյուղատնտեսության ոլորտում իրականացվող ծրագրերը:
Հիմնադրամի հետ համագործակցությունն առավել ամուր և գործնական հիմքերի վրա դնելու նպատակով որոշվել է ստեղծել համատեղ աշխատանքային խումբ, որը կզբաղվի ոլորտի հետագա զարգացմանն ուղղված նոր ծրագրերի մշակմամբ:
Իր խոսքում կարևորելով ագրարային ոլորտում փորձառու և ժամանակակից գիտելիքներով զինված մասնագետների պատրաստումը` նախարար Իգնատի Առաքելյանը վստահություն է հայտնել, որ այս առումով ևս IFAD-ի փորձն ու մասնագիտական կարողությունները կարող են օգտակար լինել:-
Ucom ընկերությունը՝ կռվախնձոր եւ շանտաժի առարկա
Կորոնավիրուսի հակաճգնաժամային միջոցառումերի տրամաբանությամբ. ինչպես է հաղթհարվելու եվ ինչի հաշվին
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 1)
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար
Տուլան պատրաստ է բարձրորակ հնդկահավի միս մատակարարել Հայաստան և օրգանական պարարտանյութերի արտադրության գործարան կառուցել