Չորեքշաբթի, 22 Նոյեմբերի 2017 14:54

Արմինֆո. «Հայաստանի էլցանցերի» համար Հանրային ծառայությունների կարգավորող հանձնաժողովի կողմից սահմանված մարժան անփոփոխ կմնա մինչև 2028 թվականը: Այս մասին նոյեմբերի 22-ին լրագրողների հետ  տեղի ունեցած հանդիպման ժամանակ հայտարարել է «Տաշիր» ընկերությունների խմբի փոխնախագահ, «Հայաստանի էլեկտրական ցանցեր» ՓԲԸ տնօրենների խորհրդի նախագահ Կարեն Դարբինյանը:

Նրա խոսքերով, ներկայումս մարժանն կազմւոմ է 49 մլրդ դրամ, ինչը հավասար է  յուրաքանչյուր կիլովատիկ էլեկտրաէներգիայի 11.7 դրամին: Առաջիկա 10 տարիներին ընկերությունը հատուկ ուշադրություն կդարձնի կորուստների կրճատման վրա: Կարեն Դարբինյանը հիշեցրել է, որ «Տաշիրը» «Հայաստանի էլեկտրական ցանցեր» ընկերությունն ընդունել է 2015 թ. հոկտեմբերի 15-ին: Այն ժամանակ կորուստները կազմում էին 13.3%, բայց հաջորդ երեք ամիսների ընթացքում այդ ցուցանիշը կրճատվել է`մինչև 11.3%: 2016-ին ընկերության կորուստները կազմել են 9.9%, իսկ 2017-ի նոյեմբերի կեսին`8.7%: «Երկու տարում իրականացվել են լայնածավալ աշխատանքներ, ինչպես վարչական համակարգի կարգավորման, այնպես էլ լուրջ ներդրումների ներգրավման առումով», - ասել է Կարեն Դարբինյանը:

Նա հավելել է, որ մինչև 2028 թվականն ընկերության կորուստների մակարդակը կհասնի 6.4%-ի: Մինչև 2021 թվականն այդ ցուցանիշը կիջնի մինչև 8%, մինչև 2025 թվականը`մինչև 7%, իսկ մինչև 2028-ը`մինչև 6.4%: Կորուստների նվազեցման հետ մեկտեղ, նշել է նա, էլեկտրաէներգիայի համակարգը կստանա լրացուցիչ միջոցներ, քանի որ կորուստների 1% կրճատումը տնտեսում է 4.5-5 մլն.դոլար: Նախկինում տեղի ունեցած կորուստների հիմքում հաճախ զգալի մասնաբաժին են կազմել գողությունները: Վարչական ռեսուրսների կիրառումը հնարավորություն տվեց զգալիորեն նվազեցնել այդ դեպքերը: Բայց ամենակարևորը, խնդիրն իր լուծումը գտավ խրախուսման մեխանիզմների ներդրման միջոցով, որի համաձայն, տեսուչների կամ ենթակայանների ղեկավարների պարգևատրումներն ուղղակիորեն կախված են կորուստների նվազեցումից:

Կարեն Դարբինյանն ընդգծել է, որ անգամ էլեկտրաէներգիայի շուկայի ազատականացման պայմաններում ընկերությունն ԷլեկտրաԷներգիա կստանա ՀԾԿՀ կողմից սահմանված սակագներով, ընդ որում, նշանակություն չունի, թե ումից է ՀԷՑ-ը գնում էլեկտրաէներգիան `ՋԷԿ-երից, ՀԱԷԿ-ից կամ ՀԷԿ-երից: «Կա ռեգուլյատորի կողմից սահմանված մարժա, որը հավասար է 49 մլրդ դրամի: Տարեսկզբին կազմվում է էլեկտրաէներգիայի արտադրության կառուցվածքը, որը ՀԷՑ-ը պատրաստվում է ձեռք բերել: Այս տարի ընկերությունը ձեռք է բերել 2 միլիարդ դրամի ավելի էժան էլեկտրաէներգիա, քան սպասվում էր: Այդ 2 մլրդ դրամը կողղվի երկրի ողջ էլեկտրաէներգետիկ համակարգի բարելավմանը», - ընդգծել է Կարեն Դարբինյանը:

Նա հիշեցրել է, որ ներկայումս ընկերությունում աշխատում է 7.300 մարդ: Ներդրումային ծրագրի իրականացման գործընթացում այդ թիվը կարող է կրճատվել 1 հազար դրույքով, միաժամանակ պահպանելով ընկերության մի շարք պարտավորություններն աշխատակիցների նկատմամբ, մասնավորապես, տարեկան աշխատավարձի պահպանումը: Դա աշխատակցին թույլ կտա հարմարվել նոր պայմաններին:

«Տաշիր»-ն ընկերությունների բազմապրոֆիլ խումբ է, որը հիմնադրվելով 1999թ. և գործելով դաշնային մակարդակով՝ միավորում է Ռուսաստանի տնտեսության տարբեր ոլորտներում, այդ թվում՝ շինարարական, արդյունաբերական, ֆինանսական և էներգետիկայի ոլորտներում, ինչպես նաև անշարժ գույքի զարգացման, մանրածախ և ժամանցային բնագավառներում գործող 200-ից ավելի ընկերություն: Աշխատակիցների ընդհանուր քանակը գերազանցում է 45,000-ը: Գործունեության աշխարհագրությունը տարածվում է Ռուսաստանի և մերձավոր երկրների 25 քաղաքներում: Ընկերության հիմնադիրը և նախագահը Սամվել Կարապետյանն է: Գլխավոր գրասենյակը գործում է քաղաք Մոսկվայում: Ընկերությունների խմբի բիզնես-գործունեության հիմքում կոմերցիոն անշարժ գույքի զարգացումն ու կառավարումն է, ընդ որում գերակա ուղղություն է համարվում առևտրային անշարժ գույքը: «Տաշիրե-ն անշարժ գույքի զարգացման ռուսական շուկայի առաջատարն է, որը կոմերցիոն և բնակելի անշարժ գույքի ոլորտում կառուցում է ժամանակակից բարձր տեխնոլոգիական հագեցվածությամբ օբյեկտներ ընդհանուր մոտ 2,5 միլիոն քմ մակերեսով:

«Հայաստանի Էլեկտրական ցանցերե ՓԲ ընկերությունն իրականացնում է էլեկտրաէներգիայի փոխանցման և բաշխման գործունեություն Հայաստանի Հանրապետության տարածքում, ինչպես նաև ունի Վրաստանի Հանրապետություն էլեկտրաէներգիա արտահանելու և ներմուծելու արտոնագիր: «Էներգետիկայի մասինե ՀՀ օրենքի համաձայն ընկերությունը երկրում այն միակ կազմակերպությունն է, որի հետ մյուս բոլոր իրավաբանական և ֆիզիկական անձինք ունեն էլեկտրաէներգիայի առուվաճառքի գործառնություններ իրականացնելու իրավունք: Ընկերությունն սպասարկում է շուրջ 1 միլիոն սպառողների և համարվում է երկրի ամենախոշոր հարկատուներից մեկն ու խոշոր գործատու: