Կոտայքի մարզում արևային վահանակների արտադրության գործարանի շինարարությանը կներդրվի 2 մլն.դոլար

Արմինֆո. «Մուլտի Սոլար» ընկերությանը, որը նախատեսում է սկսել արևային վահանակների արտադրություն, ՀՀ կառավարությունը երեք տարով հետաձգել ներկրվող սարքավորումների համար ԱԱՀ-ի վճարումը: Համապատասխան որոշումը հաստատվել է կառավարության նոյեմբերի 23-ի նիստում:

Ըստ ՀՀ Տնտեսական զարգացման և ներդրումների նախարարի Սուրեն Կարայանի, ներդրումների շրջանակներում ընկերությունը նախատեսում է Աբովյան քաղաքում կառուցել արևային վահանակներ արտադրության նոր գործարան: Նախագծի ներդրումները կկազմեն մոտ 967 մլն դրամ, որից 110,3 մլն դրամն ուղղվելու է սարքավորումների ձեռքբերմանը: Արդյունքում, 2018-2020 թվականներին կստեղծի 97 նոր աշխատատեղ, 192 հազար դրամ միջին ամսական աշխատավարձով:

Այս տարվա հունիսին կայացել է Հայաստանում առաջին արևային վահանակների արտադրության SolarOn ընկերության բացման պաշտոնական արարողությունը: Ինչպես նշել էր Աշոտ Մանուկյանը, չնայած արտադրական փոքր ծավալներին (առավելագույն  հզորությունը`1.3 ՄՎտ մեկ տարում - խմբ.), այդ արտադրության ստեղծումը և գործունեությունն արժեքավոր է սեփական տեխնոլոգիական բազայի ստեղծման առումով, որը հետագայում հիմք է դառնալու սեփական գիտա-տեխնիկական հետազոտությունների համար:

«Մուլտի Սոլար» ՍՊԸ-ն, ըստ իրավաբանական անձանց պետական ռեգիստրի կայքի, հիմնադրվել է 2017 թվականի սեպտեմբերի 13-ին: Ընկերության հիմնադիրներն են` գործարար Գագիկ Ծառուկյանը և ԱՄՆ քաղաքացի Զարե Բալասանյանը, ով նախկինում Հայաստանում հիմնադրել էր Գառնի ընկերությունը: