ՀՀ էներգետիկայի փոխնախարարը ԷԽԽ մասնակիցներին կոչ է արել մեծ ուշադրություն դարձնել կլիմայի փոփոխություններին և ջերմոցային գազերի արտանետումներին

Արմինֆո. Էներգետիկ խարտիան կարևոր դեր է խաղում էներգախնայողությանն ուղղված ջանքերում: Այս մասին Աշխաբադում ընթացող Էներգետիկ խարտիայի խրոհրդաժողովի 28-րդ նստաշրջանում հայտարարել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը, անդրադառնալով «Կայուն էներգետիկ ապագայի ռեսուրսների մոբիլիզացում և տրանսպորտային երթուղիների դիվերսիֆիկացում» թեմային:

Փոխնախարարը նշել է, որ միջոցառման շրջանակներում շատ ժամանակ է ծախսվել տարանցման հարցերի քննարկմանը, քանի որ դրանք շատերին են մտահոգում, բայց ոչ այնքան բավարար ժամանակ է ծախսվել ներդրումների պաշտպանությանը շատ քիչ ժամանակ է հատկացվել: «Որպեսզի իրականացվեն այն նպատակները, որոնք նշված են Փարիզի պայմանագրով, մենք պետք է մինչև 2020 թվականը ծախսենք մոտ 1 տրլն.դոլար: Մենք, իհարկե, հեռու չենք այդ նպատակից: Մենք մոտենում է 2017-ի ավարտին, իսկ այս տարվա թվերը դեռ չեն հայտարարվել, բայց դրանք երեք անգամ պակաս են, քան այն նպատակը, որին մենք պետք է հասնենք: Մենք պետք է ավելացնենք մեր ջանքերը», - ասել է Հարությունյանը, նշելով, որ իր ելույթներում բոլորն էլ անդրադարձել են այն հարցերին, ինչպիսիք են`ազգային անվտանգությունը, էներգետիկ անվտանգությունը, միջազգային անվտանգությունը, բայց ոչ բավարար չափով են խոսել այնպիսի հրատապ խնդիրների մասին, ինչպիսիք են`կլիմայի փոփոխությունը, մթնոլորտային արտանետումները, ջերմոցային գազերը, ածխածնի երկօքսիդը: Մինչդեռ, սա Էներգետիկ խարտիայի ուղղակի պարտականություններից մեկն է:

Նրա խոսքերով, Կազմակերպությունը պետք է գտնի այդ հարցերի լուծումները: «Սա է մեր քաղաքականությունը`ներդրումների համար ստեղծել բարենպաստ պայմաններ, նվազեցնել ներդրումային ռիսկերը: Նման լուծումներ պետք է գտնվեն, որն իր հերթին կհանգեցնի նոր ներդրումների, այդ թվում նաև վերականգնվող էներգետիկայի ոլորտում: Ավելին, այն կարող է թույլ տալ իրականացնել կլիմայի փոփոփխության առումով վերցված պարտավորությունները», - ասել է Հարությունյանը:

Խոսելով բնական գազի մասին, էներգետիկայի փոխնախարարը նշել է, որ բնական գազը մեծ դեր է խաղում, քանի որ այն ենթադրում է էներգիայի առաջնային էներգոռեսուրս, էներգետիկայի արտադրման աղբյուր և, ի վերջո, դա էներգիայի աղբյուր է, որը լավ է արձագանքում վերականգնվող աղբյուրներին:

Հարությունյանը համաձայնել է այն կարծիքին, որ ավելի շատ ժամանակ է հարկավոր, որպեսզի տարանցիկության սկզբունքները լինռն միասնական և ունիֆիկացված: «Չափից շատ քաղաքականություն է խառնված տրանզիտում: Պետք է լինի ավելի քիչ  քաղաքականություն, և պետք է ավելի շատ խոսվի էներգիայի հասանելիության մասին, մաքուր էներգիայի մասին», - ասել է նա:

Խոսելով անցյալ տարվա մասին, փոխնախարարը նշել է, որ Կազմակերպությունը բավականին փոքր բյուջեով կարողացել է շատ բան անել, Խարտիայում նախագահող Թուրքմենստանի շնորհիվ, որն աջակցել է ինչպես ֆինանսապես, այնպես էլ քաղաքական առումով: Նրա խոսքերով, այդ ջանքերի շնորհիվ հնարավոր եղավ հասնել նման արդյունքների:

Նոյեմբերի 28-29-ը Աշխաբադում մեկնարկել է Էներգետիկ խարտիայի 28-րդ նստաշրջանը,  որին հավաքվել են մասնակից և դիտորդ երկրների պրոֆիլային  նախարարութկունների և գերատեսչությունների, մի շորք միջազգային և տարածաշրջանային կազմակերպութկունների  ղեկավարներ և ներկայացուցիչներ: Էներգետիկ խարտիայի խորհրդաժողովի 28-րդ նստաշրջանի աշխատանքը բաղկացած կլինի երկու մասից. կանոնադրական ևւ նախարարական: Համաժողովի օրակարգում են Էներգետիկ խարտիայի գործունեության արդյունքները ընթացիկ տարում, ինչպես նաև հարցերի լայն շրջանակ, որոնք վերաբերում են դրա աշխատանքի հետագա կատարելագործմանը և  համագործակցության զարագցմանը` ապագայի հաստատուն էներգետիկայի ապահովման նպատակով: Հատուկ ուշադրություն կդարձվի Թուրքմենստանի նախագահ Գուրբանգուլի Բերդիմուխամեդովի առաջ քաշած էներգետիկայի ոլորտի միջազգային նախաձեռնությունների գործնական իրագործման թեմային: Համաժողովի շրջանակում նախատեսվում է ճյուղային ցուցահանդես: Էներգետիկ խարտիայի խորհրդաժողովի 28-րդ նստաշրջանի արդյունքում նախատեսվում, է ամփոփիչ փաստաթղթի ընդունում:

Հիշեցնենք, որ նախորդ տարեվերջին Թուրքմենստանն ընտրվել է 2017 թվին Էներգետիկ խարտիայի խորհրդաժողովը նախագահող երկիր, իսկ 2016 թվականի դեկտեմբերից Աշխաբադը ձեռնամուխ է եղել աշխատանքին, որը ներառում է նաև նախագահույթյան հայեցակարգի մշակում և հաստատում:  Որպես 2017 թվականին նախագահող երկիր, Թուրքմենստանն անհրաժեշտ բոլոր միջոցներն ու գործողությունները կձեռնարկի`պետությունների, միջազգային կառույցների, գործարար շրջանակների և փորձագիտական հանրության ներկայացուցիչների հետևություններն ու հանձնարարականներն ամփոփելու նպատակով` դրանք խտացված փաստաթղթում շարադրելոը համար, որը կընդունվի Էներգետիկ խարտիայի ամփոփիչ խորհրդաժողովում:-