Արմինֆո. Կոսմետիկա արտադրող հայկական ընկերության արտադրանքի շուրջ 10 000 դոլարի առաջին՝ փորձնական խմբաքանակը փաթեթավորվել և կուղևորվի Հարավային Կորեա և Հոնգ Կոնգ։ Հայաստանի զարգացման հիմնադրամի աջակցությամբ կոսմետիկա արտադրող հայկական ընկերությունն այս տարի առաջին անգամ մասնակցել և արտահանման պատվեր է ստացել միջազգային ցուցահանդեսում։ Այդ մասին տեղեկացնում է Հայաստանի զարգացման հիմնադրամի մամուլի ծառայությունը:
Մասնավորապես, հուլիսի 9-11-ը ԱՄՆ Lաս Վեգաս քաղաքում կայացած «Cosmoprof North America 2017ե միջազգային ցուցահանդեսում «Նաիրիանե ընկերությունը հաջողությամբ ներկայացրել է հայկական արտադրանքը և արտահանման պայմանագրեր են կնքվել։
ԱրմԻնֆո-ի թղթակցի հետ զրույցում ընկերության մարքեթինգի գծով տնօրեն Լիլիթ Մարտիրոսյանը նշել է, որ ներկայումս «Նաիրիան»-ը թողարկում է դեմքի, մարմնի և մազերի խնամքի շուրջ 40 անուն կոսմետիկ արտադրանք՝ օգտագործելով հայկական բնաշխարհ ռեսուրսները: Ընկերությունն աշխատում է 100 տոկոս բնական հումքով՝ առանց արհեստական բուրմունքներ ավելացնելու, օգտագործելով բույսերից ստացված եթերայուղեր: Յուրաքնաչյուր բաղադրատոմս մշակվել է գիտական խմբի կողմից, իսկ արտադրանքը պարտադիր փորձարկում է անցնում:
2012 թ. հիմնադրված ընկերությունն արդեն արտահանվում է իր արտադրանքը ԱՄՆ, Ճապոնիա և Ռուսաստան։ Առաջնահերթ խնդիրը, ինշպես նշել է Մարտիրոսյանը, ինչպես արդեն յուրացված շուկաներում դիրքերի ամրապնդումն է, այնպես էլ՝ արտադրանքի իրացման աշխարհագրության ընդլայնումը: Բացի այդ, բնական կոսմետիկայի արտադրողը նպատակադրված է ավելացնել արտադրատեսականին՝ կրեմներ, շամպուններ թողարկել նաև տղամարդկանց համար: Ընկերությունը մտադիր է նաև հակատարիքային և հակապիգմենտացիոն միջոցներ արտադրել:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |