Արմինֆո. Ամերիաբանկը «Financial Times» հեղինակավոր կազմակերպության «The Banker» ամսագրի կողմից արժանացել է Հայաստանի 2017թ. «Տարվա լավագույն բանկ» մրցանակին:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «The Banker» ամսագրի կողմից Ամերիաբանկը Հայաստանի «Տարվա լավագույն բանկ» է հռչակվում արդեն 3-րդ տարին անընդմեջ, իսկ ընդհանուր առմամբ` իր գործունեության ընթացքում 5-րդ անգամ (նախորդ մրցանակները`2010թ., 2013թ., 2015թ., 2016թ.):
Լոնդոնում կայացած մրցանակաբաշխության հանդիսավոր արարողության ժամանակ մրցույթի կազմակերպիչները նշեցին, որ Ամերիաբանկը հաղթող է ճանաչվել` հաշվի առնելով է մի շարք չափանիշներ` Բանկն ամրապնդել է իր առաջատար դիրքը Հայաստանի բանկային համակարգում որպես խոշոր ունիվերսալ բանկ, պահպանել է շուկայում առաջատար վարկատուի դիրքը և իր երկրի պատմության մեջ 2016թ-ի արդյունքներով առաջինն է հատել 1 մլրդ ԱՄՆ դոլար վարկային պորտֆելի շեմը, միաժամանակ ունեցել է իրացվելիության բարձր ցուցանիշներ, ներդրել տեխնոլոգիական նոր լուծումներ` առցանց ծառայությունների զարգացման ուղղությամբ, վարել հաճախորդամետ քաղաքականություն: Կարևորվել է նաև միջազգային կառույցների հետ արդյունավետ համագործակցությունը, կայուն աճի մեծ պոտենցիալը, ռիսկերի հաշվեկշռված քաղաքականությունը:
Աղբյուրի համաձայն, 2017թ. «Տարվա լավագույն բանկ» մրցանակին են արժանացել նաև այնպիսի բանկեր, ինչպիսիք են BNP Paribas (Բելգիա և Ֆրանսիա), Bank of America (ԱՄՆ), Bank of China (Հոնկոնգ), TBC Bank (Վրաստան) և այլ հեղինակավոր ֆինանսական կառույցներ: «The Banker»-ի մրցանակաբաշխությունն աշխարհում հանդիսանում է բանկային գործունեության գնահատման ամենաբարձր չափանիշը, այն անցկացվում է արդեն 18-րդ տարին անընդմեջ: Այս տարի մրցանակաբաշխությանը մասնակցել են 141 երկրի առաջատար բանկեր:
Ըստ ԱրմԻնաֆո գործակալության`Հայաստանի Բանկերի Ֆինանսական Վարկանիշի, 2017 թվականի սեպտեմբերի 30-ի դրությամբ բանկային համակարգի ընդհանուր կապիտալը կազմել է 680.5 մլրդ դրամ`տարեկան աճը`17.8%, ակտիվները կազմել են 4.1 տրլն դրամ, տարեկան աճը`19%, պարտավորությունները` 3.4 տրլն դրամ, տարեկան աճը`19.2%: Ակտիվների կառուցվածքում վարկայիչն ներդրումները կազմել են 64.2% կամ 2.6 տրլն դրամ, տարեկան աճը`18.7%, իսկ կորպորատիվ պորտֆելն աճել է 17.6%, մանրածախ պորտֆելը`14,4%: Ընդհանուր պարտավորությունների կառուցվածքում ժամկետային ավանդները կազմել են 46.6% կամ 1.6 տրլն դրամ (տարեկան աճը`18.6%), ցպահանջ պարտավորությունները`23.9% կամ 822.8 մլրդ դրամ (տարեկան աճը`50.4%), իսկ միջազգային փոխառությունները (միջբանկային վարկեր)`20.6% կամ 707.9 մլրդ դրամով (տարեկան անկումը`1.4%): Բանկային համակարգի զուտ շահույթը տարեկան կտրվածքով ավելացել է 69.8%, 2017-ի 9 ամիսների արդյունքում կազմելով 29,5 մլրդ դրամ, որից 10.2 մլրդ.դրամն ապահովվել է III եռամսյակում`18% աճով: Ամերիաբանկն առաջատարն է ընդհանուր կապիտալով, ակտիվներով, վարկային պորտֆելով (նաև կորպորատիվ), արժեթղթերում կատարված ներդրումներով, ընդհանուր պարտավորություններով (ինչպես ցպահանջ ավանդներով, այնպես էլ միջազգային փոխառություններով), երկրորդ տեղում է կանոնադրական կապիտալով, զուտ շահույթով , իսկ Ժամկետային ավանդների գծով 3-րդ տեղում է (իրավաբանական անձանց ժամկետային ավանդներով 2-րդ տեղում է):
Հիշեցնենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%:
տրամադրվել է վարկ` 112,970,000 մլն ԱՄՆ դոլար գումարի չափով: Ծրագրի նպատակն է բարելավել ՀՀ քաղաքներում քաղաքային տրանսպորտի ենթակառուցվածքները` ապահովելով ավելի արդյունավետ, ապահով և մատչելի տրանսպորտային ծառայություններ: