Ամանորյա տոներին ընդառաջ Անելիք Բանկը գործարկել է Visa Electron և Maestro/Cirrus քարտատեսակներով նոր ակցիան

Արմինֆո. «Անելիք Բանկը» շարունակում է նոր անակնկալներ մատուցել իր հաճախորդներին: Տոներին ընդառաջ Անելիք Բանկը գործարկել է նոր ակցիա, որի շրջանակներում 2017թ. դեկտեմբերի 4-ից մինչև դեկտեմբերի 31-ը ներառյալ Visa Electron և Maestro/Cirrus քարտատեսակները հնարավոր կլինի ձեռք բերել անվճար` առանց տարեկան սպասարկման վճարի և առանց չնվազող մնացորդի, իսկ Բանկի այլ VISA և МasterCard քարտերը ` 50% զեղչով: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Քարտ ձեռք բերելու համար անհրաժեշտ կլինի ներկայացնել միայն անձնագիր և սոց. քարտ:

«Բացի նրանից, որ Ամանորին ընդառաջ քարտերը կտրամադրվեն մատչելի սակագներով, Բանկի քարտապանները հնարավորություն կունենան օգտվել նաև Բանկի կողմից ներդրված զեղչային ցանցից: Զեղչերից օգտվելու համար անհրաժեշտ է վճարումը կատարել անկանխիկ՝ բանկի ցանկացած վճարային քարտով»,- նշել է Մանրածախ բիզնեսի գծով տնօրեն Վարդան Գևորգյանը։
Բանկի զեղչային ցանցում ներառված են տարբեր ոլորտների առևտրի ու սպասարկման կետեր, որոնց ցանկը պարբերաբար համալրվելու է:

Իսկ բոլոր նրանք, ովքեր դեռևս չունեն Անելիք Բանկի վճարային քարտ, ապա տվյալ ակցիան հրաշալի հնարավորություն է ամանորյա գնումները էլ ավելի շահավետ դարձնելու համար»,- ասված է Բանկի տարածած հաղորդագրությունում:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական Տեղեկագրի, Անելիք Բանկի ակտիվ քարտերի թիվը 2017 թվականի հոկտեմբերի 1-ի դրությամբ կազմել է ավելի քան 37 հազար քարտ, որից մոտ 18 հազարը` ArCa և ավելի քան 15 հազարը` Visa, իսկ մնացածը`մոտ 4 հազար`կազմել են MasterCard քարտերը: Անելիք Բանկի պլաստիկ գործարքների ընդհանուր ծավալը 2017 թ. 9 ամիսների տարեկան կտրվածքով ավելացել է 18%, մինչև 39 մլրդ դրամ: Դրանց ավելի քան 8 մլրդ դրամը կազմել են բանկոմատներով գործարքները: Բանկն ունի 230 սեփական POS- թերմինալ և 52 բանկոմատ, որոնք հիմնականում տեղադրված են մայրաքաղաքում: «Անելիք Բանկ» -ը հայաստանյան բանկերից առաջինն էր, որ Visa International և Mastercard համակարգերի քարտերից բացի սկսեց թողարկել և սպասարկել նաև տեղական ArCa քարտեր:

Հիշեցնենք, որ «Անելիք Բանկը» շուկայում գործում է 1996 թվականի հոկտեմբերից: 2016 թվականի նոյեմբերին իրականացված լրացուցիչ թողարկումից հետո Բանկի բաժնետերերի կազմը փոխվեց, միացավ կիպրոսյան FISTOCO LTD ընկերությունը, 59.68% բաժնեմասով, ինչը նվազեցրել նախկին բաժնետերերի մասնաբաժինը, դեմս Լիբանանյան ԿրեդիտԲանկ S.A.L ի, 100%-ից մինչև 40.32%: Բանկի անուղղակի մեծամասնական բաժնետերերն են հանդիսանում ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO ՍՊԸ):