Չեխիայի դեսպանությունը 4,6 մլն դրամ կհատկացնի Արմավիրի մարզի բնակչության շրջանում էկոլոգիական մտածելակերպի և կենսակերպի տարածման նպատակով

Արմինֆո. Այսօրվա նիստում  կառավարությունը հաստատել է ՀՀ Արմավիրի մարզպետարանի «Չեխիայի Հանրապետության դեսպանատան կողմից ՀՀ Արմավիրի մարզում «Ավելի կանաչ Հայաստան, աղբի տեսակավորում» թեմայով դասընթացների և բնակչության շրջանում քարոզչության անցկացում» ծրագրի արտաբյուջետային հաշվի միջոցների ծախսման 2017 թվականի նախահաշիվը: Այդ առնչությամբ Հայաստանում Չեխիայի դեսպանությունը 4,6 մլն դրամ կհատկացնի ` ավելի մաքուր Հայաստանի ստեղծման նպատակով ավելի վաղ ձեռք բերված պայմանավորվածության շրջանակում:

Ինչպես հայտարարել է տարածքային կառավարման և զարգացման նախարար Դավիթ Լոքյանը, Արմավիրի մարզի և Չեխիայի Հանրապետության դեսպանության միջև պայմանավորվածություն է ձեռք բերվել ժամանակակից աղբավայրի և աղբի օգտագործման գործարանի ստեղծման շուրջ: Նախագծի իրագործման շրջանակում, ԵՄ եկրներում գործող կանոնակարգին համապատասխան, տվյալ փուլում նախատեսվում է բնակչության շրջանում նախապատրաստական աշխատանքների անցկացում` էկոլոգիական մտածելակերպ և կենսակերպ քարոզելու համար: Նախատեսվում է նաև էկոլոգիական մշակույթի և բնապահպանության քարոզմանը նպատակաուղղված բուկլետների հրատարակում: