Արմինֆո. Հայաստանի կառավարությունը սև հումորի լավագույն ավանդույթներով որոշել է հերթական նորամուծությամբ ուրախացնել հայ ավտոմոբիլավարներին. կառավարությունը նախապատրաստում է օրինագիծ, որը 2018 թվականի ապրիլի 1-ից արգելում է աջակողմյան ղեկով մեքենաների ներկրումը:
Համապատասխան օրինագիծն արդեն զետեղված է Իրավական ակտերի նախագծերի հրապարակման միասնական կայքում` https://www.e-draft.am: Հարկ է նշել, որ այդ օրինագծի «դեմ՚ հրապարակման պահի դրությամբ քվեարկել է օրինագծի հեղինակների նախաձեռնած առցանց քննարկման մասնակիցների 93 տոկոսը:
Օրինագիծը, մասնավորապես, նախատեսում է լրացումներ ՀՀ կառավարության «Աջակողմյան ղեկային տեղաբաշխմամբ տրանսպորտային միջոցների ներմուծման ժամանակավոր արգելքի մասին՚, «Հայաստանի Հանրապետության կառավարության 2007 թվականի հունիսի 28-ի թիվ 955-Ն որոշման մեջ լրացումներ կատարելու մասին՚ և «Հայաստանի Հանրապետության կառավարության 2010 թվականի սեպտեմբերի 9-ի թիվ 1251-Ն որոշման մեջ լրացում կատարելու մասին՚ որոշումների նախագծերում: Ուշագրավ է, որ օրինգածի հեղինակները մտադիր են հետագայում ընդհանրապես արգելել աջակողմյան ղեկով ավտոմեքենաների շահագործումը, որոնց թիվը Հայաստանում այսօր հասնում է փոխադրամիջոցների ընդհանուր թվի 25-30 տոկոսին: Ավելի վաղ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հայտարարել էր, թե աջակողմյան ղեկով մեքենաների ներմուծման արգելքը տևական գործ է և կպահանջի տասնմյակներ:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար