ՀՀ կառավարությունը հաստատել է ընկերությունների ցանկը, որոնք անցել են «Մասրիկ» արևային էլեկտրակայանի կառուցման նախնական ընտրությունը

Արմինֆո. Դեկտեմբերի 21-ին ՀՀ կառավարությունը հաստատել է Հայաստանում արդյունաբերական մասշտաբի Մասրիկ-1 55 ՄՎտ հզորությամբ արևային ֆոտովոլտային ծրագրի շրջանակում անցկացված նախաորակավորման ընթացակարգի արդյունքում նախաորակավորված մասնակիցների ցանկը և հավանություն տվել գնման ընթացակարգի մասնակցության հայտերի ներկայացման հրավերին ու կառավարության աջակցության համաձայնագրի նախագծին:

ՀՀ էներգետիկայի ենթակառուցվածքների և բնական պաշարների նախարար Աշոտ Մանուկյանը, ներկայացնելով որոշման նախագիծը, հիշեցրել է, որ նախագծի սանդղակը չունի իր նախադեպը: Պետական-մասնավոր գործընկերության ձևաչափով իրականացվելիք ծրագիրը նախապատրաստվել է Հայաստանի Հանրապետության և Վերակառուցման և զարգացման միջազգային բանկի միջև ստորագրված «Արդյունաբերական մասշտաբի արևային էներգիայի ծրագրի նախապատրաստման համար» համաձայնագրի շրջանակում։ Հիմնավորման համաձայն՝ հրապարակած նախաորակավորման ընթացակարգի հայտարարության արդյունքում հայտատու 20 մասնակցից ընտրվել է նախաորակավորման պահանջներին բավարարող 10 մասնակից: Վերջիններիս նախատեսվում է ուղարկել մրցութային փաստաթղթերը՝ մրցութային հայտեր ստանալու նպատակով։ Ծրագրի միջնաժամկետ և երկարաժամկետ արդյունքներից են օտարերկրյա ներդրողների շրջանում Հայաստանի արևային էներգետիկայի ոլորտի գրավչության մեծացումը, Հայաստանում էլեկտրաէներգիայի ռեսուրսների բազմազանեցումը, ՀՀ էներգետիկ անվտանգության ամրապնդումը։

Միջազգային մրցույթին մասնակցելու համար հայտ ներկայացրեցին 20 ընկերություններ`արդյունաբերական նշանակության« Մասրիկ-1 »արևային էլեկտրակայանի կառուցման համար ներդրողի ընտրությունը: Միջազգային մրցույթի նախնական որակավորման փուլը հաղթահարվեց 10 ընկերությունների և 1 կոնսորցիումի կողմից: «Բոլոր 10 ընկերություններն ունեն միջազգային հեղինակություն և մեծ փորձ այս ոլորտում», - ասաց նախարարը:

Ավելի վաղ ԱրմԻնֆո-ի թղթակցի հետ զրույցում ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը հայտնել էր, որ ապրիլի 28-ին Հայաստանում մեկնարկել է 55 ՄՎտ հզորությամբ «Մասրիկ» արևային էլեկտրակայանի կառուցման միջազգային հայտամրցույթ: ՀՀ կառավարության հավանությանն արժանացած արևային ֆոտովոլտային կայանների կառուցման ներդրումային ծրագրի համաձայն, նախատեսվում է Հայաստանի վեց տեղամասերում կառուցել մինչև 110 մեգավատ հզորությամբ արդյունաբերական մասշտաբի կայաններ: Ծրագրի ներդրումային ընդհանուր արժեքը գնահատվում է շուրջ 129 մլն դոլար։ Կայանների կառուցման համար ընտրված վեց տեղանքներից երկուսի համար իսպանական «Արիես Ինժեներիաե խորհրդատվական ընկերությունն արդեն իրականացրել և ներկայացրել է տեխնիկատնտեսական հիմնավորումները։ Դրանք վերաբերում են Գեղարքունիքի և Արագածոտնի մարզերի վարչական սահմաններում գտնվող «Մասրիկ» և «Դաշտադեմ» տեղանքներին։ Աշխատանքները մյուս չորս տեղանքների տեխնիկատնտեսական հիմնավորումների վերաբերյալ շարունակվում են: Մրցույթի հիմնական պայմաններից մեկը լինելու է առաջարկվող սակագինը։ Առավելությունը տրվելու է նվազագույն սակագնային առաջարկությանը։

Նշենք, որ ՀՀ կառավարության հավանությանն արժանացած արևային ֆոտովոլտային կայանների կառուցման ներդրումային ծրագրի համաձայն, նախատեսվում է Հայաստանի վեց տեղամասերում կառուցել մինչև 110 մեգավատ հզորությամբ արդյունաբերական մասշտաբի կայաններ: Ծրագրի ներդրումային ընդհանուր արժեքը գնահատվում է շուրջ 129 մլն դոլար: Արևային համակարգային կայանների կառուցման ծրագրի իրականացման նպատակով ՀՀ կառավարությունը նախատեսում է մինչև 2018 թվականի ավարտն իրականացնել Մասրիկ տեղանքում 55 ՄՎտ պիկային հզորությամբ արևային ֆոտովոլտային էլեկտրակայանի կառուցման նպատակով հայտարարված մրցույթների արդյունքների ամփոփումը և ապահովել ՖՎ էլեկտրակայանի կառուցման մեկնարկը: ԱրմԻնֆո-ի տվյալներով՝ հիշյալ օբյեկտում ներդրումների ընդհանուր ծավալը կկազմի $65-70 մլն: Մրցույթին մասնակցում է 50 ըկերություն:-