Երկուշաբթի, 25 Դեկտեմբերի 2017 12:21

Արմինֆո.Երևանն ամանորյա հանգստի համար ռուսաստանցիների շրջանում ժողովրդականություն վայելող ԱՊՀ քաղաքների առաջատար հնգյակում է: Tvil.ru-ի կազմած վարկանշային աղյուսակի համաձայն, ռուսաստանցի զբոսաշջիկներն ամանորյա տոներն անցկացնելու համար ԱՊՀ քաղաքներից առավելապես նախընտրում են Մինսկը, Բաքուն, Ալմաթին, Թբիլիսին և Երևանը: Վարկանշային աղյուսակը կազմվել է 2017 թվականի դեկտեմբերի 30-ից մինչև 2018 թվականի հունվարի 8-ը ռուսաստանցի զբոսաշրջիկների կողմից  բնակարանների ամրագրման տվյալների հիման վրա: Աղբյուրի համաձայն, ամանորյա տոներին զբոսաշրջիկները Հայաստանի մայրաքաղաք կժամանեն միջին հաշվով երեք օրով և բնակության համար կծախսեն օրական 2,8 հազար ռուբլի. Երևանն  ԱՊՀ երկրների ոչ թանկ հյուրանոցներ ունեցող քաղաքներից մեկն է: «ՏուրՍտատ՚ գործակալության տվյալներով, Կաղանդ պապին ամենամեծ ժողովրդականություն վայելող Ձմեռ պապիներից է ԱՊՀ երկրների զբոսաշրջիկների շրջանում: 

 

Tvil.ru https://tvil.ru/-ն հյուրանոցների, բնակարանների և հյուրատների առցանց ամրագրման առաջատար ռուսական կայք է, որի այեցլուների թիվը հասնում է ամսական 2 միլիոնի: