Չորեքշաբթի, 10 Հունվարի 2018 15:42
Ալեքսանդր Ավանեսով

Հայաստանն ընդգրկվել է ռուսների սպոնտան ուղևորությունների համար լավագույն ուղղությունների եռյակում

Հայաստանն ընդգրկվել է ռուսների սպոնտան ուղևորությունների համար լավագույն ուղղությունների եռյակում

Արմինֆո. Հայաստանն ընդգրկվել է ամանորյա տոներին սպոնտան ուղևորություների համար ռուսների ընտրած երկրների առաջատար եռյակում: Այդ մասին հայտնել է «Իզվեստիա» թերթը՝ վկայակոչելով «Tutu.ru» ճամփորդությունների ծառայությունը:

Առաջին տեղը, աղբյուրի համաձայն, զբաղեցրել է Մոլդովան, որտեղ մեկնել է ռուսների 18,2%-ը՝ 15,5 հազար ռուբլի ծախսելով երկու ուղղությամբ տոմսի համար: Երկրորդ տեղում Հայաստանն է (10,2% և 20,8 հազար ռուբլի),իսկ երրորդում՝ Բելառուսը (9,1% և 14,7 հազար ռուբլի):

Ավելի վաղ ԱրմԻնֆո-ն՝ վկայակոչելով ՀՀ տնտեսական զարգացման և ներդրումների նախարարության Զբոսաշրջության պետական կոմիտեի ղեկավար Զարմինե Զեյթունցյանին, հայտնել էր, որ 2017 թվականի արդյունքներով, Հայաստան այցելած զբոսաշրջիկների թիվը կգերազանցի 1,5 մլն-ի ցուցանիշը:

Զեկուցելով անցած 9 ամիսների արդյունքների մասին, Զ. Զեյթունցյանը նշել էր, որ հաշվետու ժամանակաշրջանում պաշտոնական տվյալներով Հայաստան է այցելել 1,172 միլիոն զբոսաշրջիկ, տարեկան 21% աճով: Ըստ ՄԱԿ-ի Զբոսաշրջության համաշխարհային կազմակերպությունը (UNWTO) գնահատականներով, 9% -ից մինչև 12% աճը համարվում է աննախադեպ բարձր, իսկ զարգացած երկրներում 4,4% աճը դիտվում է որպես կայուն,  նկատել էր նա: Հաշվի առնելով անցած տարվա ցուցանիշները, ըստ Զեյթունցյանի, Ազգային վիճակագրական ծառայության կողմից տրամադրված տվյալներով 2017 թվականը Հայաստանը կեզրափակի 20-21% տարեկան աճով: «Սա լավ ցուցանիշ է, բայց ոչ բավարար: Հայաստանն այսօր պատրաստ է ընդունել ավելի շատ զբոսաշրջիկ: Սա ոչ թե միայն մեր, այլ նաև UNWTO հետազոտությունների արդյունքն է», - ընդգծել էր նա: Մասնավորապես, 2017 թվականին Հայաստան այցելած զբոսաշրջիկների ընդհանուր թվում առաջատարն է Ռուսաստանը 447.8 հազար զբոսաշրջիկ, տարեկան աճը`31.6%, այնուհետև հաջորդում են`Վրաստան - 236,8 հազար (աճը`10,6%), Իրան - 180.6 հազար (12,6%), Միացյալ Նահանգներ - 38.4 հազար (35.8%), Ուկրաինա - 22.9 հազար (16.3%): Տոկոսային արտահայտությամբ, ըստ Զեյթունցյանի շատ հետաքրքիր դինամիկա է արձանագրվել լիբանանյան այցելուների առումով, որոնց թիվը հաշվետու ժամանակահատվածում աճել է 82%, Լեհաստանից - 31%, Ֆիլիպիններից - 236%, Հնդկաստանից - 168%, Չինաստանից - 63.6%, Ղազախստանից - 42%, Արաբական Միացյալ Էմիրություններից - 119%, Մեծ Բրիտանիայից - 24%: «Մենք կարող ենք վստահությամբ ասել, որ այսօր արձանագրված աճը սահմանային կետերում վիզային ռեժիմի պարզեցման, ուղղակի թռիչքների ավելացման և ագրեսիվ մարքեթինգային քաղաքականության արդյունք է», - պարզաբանել էր կոմիտեի ղեկավարը: Մասնավորապես, Զեյթունցյանը նշել էր, որ այս տարի կառավարությունը զբոսաշրջության զարգացման նպատակով տրամադրել է 200 հազար դոլար, 2018-ին այդ գումարը կավելանա մինչև 400 հազար դոլար: Սակայն, նրա կարծիքով, միջոցների ծավալն այնքան կարևոր չէ, որքան ողջամիտ մարքեթինգային ռազմավարությունը և ստեղծագործական նոր մոտեցումները: Միևնույն ժամանակ, Զեյթունցյանը նշել էր, որ 2016 թ. արդյունքներով ՀՆԱ-ի կառուցվածքում զբոսաշրջությունը կազմել է մոտ 1 մլրդ դոլար: Ըստ ՀՀ Ազգային վիճակագրական ծառայության տվյալների, անցյալ տարի Հայաստան է այցելել 1.259 միլիոն զբոսաշրջիկ, տարեկան աճը`5.7%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
14.08.2020
RUB6.610.01
USD484.83-0.34
EUR571.91-2.24
GBP634.16-0.54
CAD366.13-0.62
JPY45.430.02
CNY69.86-0.02
CHF531.90-1.14



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000