Հայաստանի բջջային օպերատորի՝ «ՎիվաՍել–ՄՏՍ» ընկերության 100% բաժնեմասի գնորդը կիպրոսյան օֆշորային ընկերություն է

Արմինֆո. Հայաստանի բջջային օպերատորի՝ «ՎիվաՍել–ՄՏՍ» ընկերության 100% բաժնեմասի գնորդը «Aramayo Investment LTD» կիպրոսյան օֆշորային ընկերությունն է:

Նախօրեին ԱրմԻնֆո-ն հայտնել էր, որ ՀՀ Հանրային ծառայությունները կարգավորող պետհանձնաժողովի փաստաթղթերում, Aramayo Investment LTD- ը, ի վերջո, ձեռք է բերում ընկերության 100% բաժնեմասը: Նշենք, որ «ՄՏՍ-ը Արմենիանե («ՎիվաՍել – ՄՏՍե ապրանքանիշ) հանդիսանում է ռուսական ՄՏՍ ընկերության հայկական դուստր ձեռնարկությունը: Գործարքին մասնակցում են Ռուսաստանի քաղաքացիներ Պավել Մաշարովը և Արտյոմ Վասիլևը, ովքեր ձեռք կբերեն 0.005% բաժնետոմսերը, իսկ հետո պետք է վաճառեն «Aramayoե-ին. գործարքում վերջիններիս դերի մասին տեղեկությունները չի հաջողվել ստանալ:

Կիպրոսի ռեգիստրի տվյալների բազայի շնորհիվ հայտնի է դարձել, որ ARAMAYO INVESTMENTS LIMITED-ը, որպես օֆշորային ընկերությունը, գրանցվել է 2015 թ. դեկտեմբերի 03-ին՝ HE 349745 համարի ներքո: Ընկերությունը գրանցված է՝1065, Nicosia, Cyprus, փող. Arch. Makar?oy III, 2-4 հասցեում, CAPITAL CENTER-ի 9-րդ հարկում: Հատկանշական է, որ այդ ընկերության տնօրեն է հանդիսանում Պետհանձնաժողովի  փաստաթղթերում հիշատակված Պավել Մաշարովը: Ավելի մանրամասն տեղեկատվություն ձեռներեց Մաշարովի մասին բաց աղբյուրներում գտնել չի հաջողվել:

Ընկերությունը հիշատակվում է նաև Bloomberg-ի տվյալների բազայում: Համաձայն դրա՝իր դուստր ընկերությունների միջոցով Aramayo СА-ն զբաղվում է մետաղների և ձուլվածքների մշակմամբ: Ընկերությունը նաև տնօրինում է ներդրումային գույքը և զբաղվում ֆինանսական ներդրումներով: Ընկերության մասնաճյուղերը տեղեկայված են Շվեյցարիայում, Մեծ Բրիտանիայում, Գերմանիայում, ԱՄՆ-ում, Ֆրանսիայում, Իտալիայում և Իսպանիայում: Ընկերության գլխամասային գրասենյակը գտնվում է Ժնևում:

Մինչդեռ ARAMAYO INVESTMENT S A նույնական անվանմամբ ընկերություն գրանցված է Պանամայում: Այստեղ է գրանցված նաև մեկ այլ օֆշորային՝ հնարավոր է, վերջինիս հետ աֆիլացված COMERCIAL ARAMAYO,

S.A ընկերությունը: Թե որքանով են կապակցված Կիպրոսում և Պանայում գրանցված այս երկու օֆշորային ընկերությունները, դժվար է ասել, սակայն պարզ է, որ կապված Մաշարովի անվան հիշատակման հետ, «ՄՏՍ-ը Արմենիան»-ի գնորդ է հանդես եկել հենց կիպրոսյան օֆշորային ընկերությունը:

Անկախ դիտորդների կարծիքով, քանի որ կիպրոսյան օֆշորային ընկերության պրոֆիլավորվածությունը չի ենթադրում հաղորդակցական ծառայությունների շուկայում գործունեություն, կարելի է ենթադրել, որ, ըստ երեւույթին, վերջինիս կողցմից ռուսական MTS ընկերությունից Հայաստանի բջջային օպերատորի ձեռքբերման գործարքը զուտ ֆինանսական միջանկյալ բնույթ ունի:

Հիշեցնենք, որ «ՄՏՍ-ը Արմենիան»-ի վաճառքը շուկայի իրազեկ մասնակիցների համար անսպասելի չէր, քանի որ վերջին տարում ընկերությունը կտրուկ նվազեցրել էր գովազդային և սոցիալական ծրագրերի իրականացման իր ծախսերը: Ավելին, ըստ «ԱրմԻնֆոե գործակալության վարկանիշային ծառայության վերլուծական նյութերի, 2016 թվականի արդյունքներով արդեն ընկերության հասույթը նվազել էր 20.7%, համախառն շահույթը նվազել էր 27,4%, զուտ շահույթը, 61%, ընկերության ակտիվները նվազել էին 13.4%: EBITA ցուցանիշը վերջին տարիներին աստիճանաբար նվազել էր, մասնավորապես, 2014-ի 27.4% -ից մինչև 2017-ի 11.08%-ը: 2017 թ. ֆինանսական տվյալները դեռ չեն հրապարակվել:

Վերլուծաբանները հակված են այն կարծիքին, որ օրերս ռուսական «Սիստեմա», որին պատկանում է ՄՏՍ-ը, ինչպես նաև «Ռոսնեֆտ», «Բաշնեֆտե ընկերությունների և Բաշկիրիայի միջև հաշտության համաձայնագրի ստորագրումից հետո, առաջինը, լրացուցիչ ռեսուրսների կարիք ունենալով, որոշել է ազատվել պակաս արդյունավետ հայկական ակտիվից: Նշենք, որ նախօրեին Fitch միջազգային վարկանիշային գործակալությունը հաստատել էր ԱՖԿ «Սիստեմաե և ՄՏՍ ընկերությունների երկարաժամկետ թողարկողի դեֆոլտի վարկանիշն օտարերկրյա և ազգային արժույթով՝ «BB» մակարդակում, «բացասական» կանխատեսումով: