Արմինֆո. Կառավարության ծրագրից բխող պարտադիր սպանդանոցային մորթի կիրառման ժամանակացույցով սպանդանոցային մորթին անցում ապահովելու նպատակով ԳՆ սննդամթերքի անվտանգության պետական ծառայության նախաձեռնությամբ իրականացվում է «Սպանդանոցային կարողությունների զարգացման ծրագիր»:
Ինչպես ԱրմԻնֆո-ին հաղորդեցին ՀՀ գյուղատնտեսության նախարարության տեղեկատվության և հասարակայնության հետ կապերի բաժնից, ծրագրի շրջանակում ամբողջ հանրապետությունը կապահովի սպանդանոցային ցանցով՝ էականորեն բարելավելով սննդամթերքի անվտանգության պայմանները: Կառուցվող 21 նոր սպանդանոցները կգործեն արդեն հուլիսից: «Եթե հաշվի առնենք, որ ստացվել են նաև սպանդանոցներ կառուցելու լրացուցիչ հայտեր՝ ակնկալվում է, որ հանրապետությունում նորմը պարտադիր դառնալուն զուգահեռ կսկսի գործել առնվազն 71 սպանդանոց, գնահատված անհրաժեշտ քանակը 40-70 է՝ կախված հզորությունից՚, - ասվում է հաղորդագրությունում:
Պարտադիր սպանդանոցային մորթի կիրառումը հնարավորություն կընձեռի գյուղատնտեսական կենդանիների մորթն իրականացնել սանիտարական պահանջներին համապատասխան, թույլ կտա ազգաբնակչությանը մատակարարել անվտանգ միս և մսեղիք, որը կբարձրացնի երկրում արտադրվող մսի և մսամթերքի անվտանգությունը:
Գործարարները վստահեցնում են՝ պարտադիր սպանդանոցային մորթին անցում կատարելուց հետո հանրապետությունում մսի գնանկում կդիտվի, քանի որ մրցակցության դեպքում իրենցից յուրաքանչյուրը կձգտի առավել մատչելի և ձեռնտու տարբերակներ առաջարկել, ինչն էլ իր հերթին կազդի մսի գնի վրա:
Ավելի վաղ Ծաղկաձորում սեմինարի ժամանակ ՍԱՊԾ ղեկավար Իշխան Կարապետյանը հայտարարել էր, որ 2017 թվականին մսի իրացման և վաճառքի գործընթացի անվտանգության ապահովման համար մեկնարկել է մասնագիտացված սպանդանոցների բացման ծրագիր, որի շրջանակում գործող 18 սպանդանոցները վերազինվել են և համապատասխանեցվել պահանջվող ստանդարտներին, նոր 2-ը, գործնականում, պատրաստ են շահագործման, նախատեսվում է կառուցել ևս 21-ը: Սակայն մասնակիցներից շուրջ 30-ը պատրաստակամություն էին հայտնել սեփական միջոցներով սպանդանոցներ կառուցել: Այդպիսով, առաջիկայում Հայաստանում կգործեն բավական թվով մասնագիտացված սպանդանոցներ, որոնք կհամապատասխանեն սննդամթերքի անվտանգության նորմերին: Կարապետյանի ասելով, ծառայության ջանքերի շնորհիվ ներկայացված ստանդարտներին համապատասխանեցվել են Խորենացու փողոցի և Մասիվի շուկաների մսի առևտրասրահները, որտեղ իրականացվում է Երևանի մսի իրացման 90 տոկոսը:
Հիշեցնենք, որ կառավարության 2017 թվի մայիսի 1-ի ծրագրով Հայաստանում իրականացվում է փուլային անցում սպանդանոցների հնարավորությունների աստիճանական մեծացման: 2018 թվականի հուլիսի 1-ից Հայաստանում հայրենական մսի ողջ վաճառքը պետք է իրականացվի հանրապետության սպանդանոցների միջոցով:
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
Հայաստան ներմուծվող ցորենի ավելի քան 99,9%-ը ստացվում է Ռուսաստանից