Արմինֆո. Հայբիզնեսբանկը 2017 թվականին առաջադիմել է հաշվեկշռի արժույթի գծով` 3-րդ դիրքից բարձրանալով 2-րդ, իսկ հաճախորդների հանդեպ պարտավորությունների գծով դարձել է առաջատար: Բանկի հրապարակած ֆինանսական հաշվետվությունների հիման վրա ԱրմԻնֆո ԼԳ պատրաստած «Հայաստանի բանկերի էքսպրես-ռենքինգի՚ տվյալներով, տարեկան կտրվածքով Հայբիզնեսբանկի ակտիվներն ավելացել են 42,2%-ով` մինչև 574.9 մլրդ դրամ (1.2 մլրդ դոլար), իսկ հաճախորդների հանդեպ պարտավորությունները` 53,5%-ով, մինչև 401.2 մլրդ դրամ (828.8 մլն դոլար): Համեմատության համար նշենք, որ 2016 թվականին Հայբիզնեսբանկն արձանագրել էր ակտիվների և հաճախորդների հանդեպ պարտավորությունների աճի համեմատաբար համեստ տեմպեր, համապատասխանաբար` 31,3% և 42,2%:
Հայբիզնեսբանկի ակտիվների կառուցվածքում վարկային ներդրումների և այլ փոխատվությունների ծավալը տարեկան կտրվածքով ավելացել է 40%-ով` մինչև 376 մլրդ դրամ (776.7 մլն դոլար, շուկայում 3-րդ դիրքը), իսկ արժեթղթերում ներդրումների ծավալը` 14,2%-ով` մինչև 41 մլրդ դրամ (84.7 մլն դոլար, շուկայում 4-րդ դիրք): Դրանց բաժին է ընկնում բանկի ակտիվների, համապատասխանաբար, 65,4% և 7,1%: Մեկ տարի առաջ, 2016 թվականին բանկի վարկային ներդրումների աճի տեմպերը համեմատաբար ավելի համեստ էին` 30,3%, արժեթղթերում ներդրումներինը, հակառակը, ավելի պատկառելի` 54,7%:
2017 թվականին Հայբիզնեսբանկն ընդհանուր պարտավորույթյուններն ավելացրել է 45,8%-ով, մինչև 535.8 մլրդ դրամ կամ 1.1 մլրդ դոլար, այդ ցուցանիշի գծով 3-րդ դիրքից բարձրանալով 2-րդ: Դրանց կառուցվածքում բանկերից և այլ ֆինանսական կազմակերպություններից ներգրավված միջոցները բանկն ավելացրել է 18,9%-ով, մինչև 98.6 մլրդ դրամ (203.6 մլն դոլար` 5-դիրքից ցատկելով 3-րդ), իսկ սեփական թողարկված պարտատոմսերից ներգրավումները կազմել են շուրջ 9 մլրդ դրամ (18.5 մլն դոլար): Ընդ որում, 2017 թվականի հունվարին ձեռնամուխ լինելով սեփական պարտատոմսերի թողարկմանը, բանկը հաջողացրել է մինչև տարեվերջ թողարկել երեք տրանշ` 2 դոլարային` 18.2 մլն դոլար ընդհանուր ծավալով, և մեկ դրամային` 100 մլն դրամ ծավալով:
Արդյունքում` 2017 թվականը Հայբիզնեսբանկն ավարտել է 1.8 մլրդ դրամ կամ 3.7 մլն դոլար զուտ շահույթով` 23,2% տարեկան աճով: Կուտակված շահույթը բանկը հաշվետու տարում ավելացրել է 62,8%-ով` մինչև 4.6 մլրդ դրամ կամ 9.4 մլն դոլար, իսկ ընդհնանուր կապիտալը` 6,3%-ով, մինչև 39.1 մլրդ դրամ կամ 80.8 մլն դոլար, ընդ որում կանոնադրական կապիտալը չի փոխվել` 31.4 մլրդ դրամ կամ 64.8 մլն դոլար: 2018 թվականի հունվարի 1-ի դրությամբ բանկի նորմատիվային ընդհանուր կապիտալը կազմել է 32.8 մլրդ դրամ, ինչը մկե տարվա վաղեմության մակարդակը գերազանցում է 8,6%-ով: Բանկի կապիտալի բավականաչափության նորմատիվը կազմել է 12,45% (պահանջվող առնվազն 12%-ի դեպքում), ընդհանուր իրացվելիության նորմատիկվը` 25,27% (պահանջվող 15% նվազագույնի դեպքում), ընթացիկ իրացվելիության նորմատիվը` 132,18% (պահանջվող առնվազն 60%-ի դեպքում):
Հայբիզնեսբանկն առաջատար է առևտրի, ՓՄՁ, հասարակական սննդի և ծառայությունների ոլորտների, շինարարության հատվածի վարկավորման ծավալներով, առջատար եռյակում է արդյունաբերական հատվածի, տրանսպորտի և կապի ոլորտի վարկավորման գծով, 4-րդ դիրքն է զբաղեցնում ագրովարկավորման գծով, ընդ որում, բավականին ակտիվորիեն իրականացնելով մանրածախ վարկավորում` այդ պորտֆելի շուրջ 30%-ը կենտրոնացնելով հիփոթեքային վարկերի վրա:
Հիշեցնենք, որ Հայբիզնեսբանկը հայկական շուկայում գործում է 1991 թվականի դեկտեմբերից: Որպես բանկի միանձնյա սեփականատեր հանդես է գալիս Վիտալի Գրիգորյանցը: Մասնաճյուղերի ցանցի ընդգրկմամբ բանկն առաջտատար հնգյակում է` 53 ստորաբաժանուներով, որոնցից 24-ը Երևանում են, 22-ը` Հայաստանի մարզերում, 7-ը` Արցախում:
Պարտադիր բժշկական ապահովագրություն Հայաստանում. ո՞վ և որքա՞ն կվճարի
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Բիզնեսի թվայնացման հիմնախնդիրը, ո՞ր հանգրվանում է Հայաստանը