Արմինֆո. Zorah գինու արտադրության հիմնադիր, իտալահայ գործարար Զորիկ Ղարիբյանը բաց նամակով դիմել է «Կարաս Վայնս» ՓԲԸ սեփականատեր Էդուարդո Էռնեկյանին, կոչ անելով կիսվել «Կարաս» ապրանքանիշով: Իսկ ավելի վաղ Էռնեկյանին պատկանող «Caras Weins» գործարանը դատի է տվել ՀՀ էկոնոմիկայի նախարարությանը, որպեսզի նախարարությունն արգելի «Կարաս» բառի օգտագործումը հայ գինեգործների արտադրանքի պիտակների վրա:
Ըստ Ղարիբյանի, «Կարաս Վայնսը», ցանկանալով հայ գինեգործներին արգելել «Կարաս» բառի օգտագործումը, փորձում է մոնոպոլիզացնել այն, ինչը պատմականորեն ընդհանուր է, քանի որ գինին Հայաստանում անհիշելի ժամանակներից պահվում էր կարասներում: Սա հայ գինեգործության հնագույն ավանդույթն է և երկրի մշակութային ժառանգության մասը: Ահա թե ինչու նա «Կարաս» բառը սեփականաշնորհելու փորձերը համարում է անհեթեթություն: Ավելին, «Կարաս Վայնս» ընկերությունն ինքը գինիներ է պատրաստում է նաև այլ տեխնոլոգիաներով, առանց կարոտի օգտագործման:
Նամակում Ղարիբյանը նման իրավիճակը համարում է անհարգալից վերաբերմունք պատմության նկատմամբ: «Սա տիպիկ ձեռնարկատիրական խաբեություն է և վկայում է անհեռատեսության մասին» - ընդգծել է նա: Այս առումով Ղարիբյանը բերել է Վրաստանի օրինակը, որտեղ հայկական կարասներին նմանատիպ վրացական «կվեվրի»-ներն ստացել են ՅՈՒՆԵՍԿՕ-ի օբյեկտիվ մշակութային ժառանգության կարգավիճակ:
Դիմելով Է.Էռնեկյանին, գինեգործը նշում է, որ Հայաստանի գինեգործության զարգացումը և բարգավաճումը կարող է տեղի ունենալ միայն միասնության, ընդհանուր համագործակցության, հեռատեսության, և, ամենակարևորը, մշակութային և պատմական ժառանգությունը ճանաչելու և հարգելու միջոցով: «Այս գործում միակ զոհը կարող է լինել հայ գինեգործության ապագա զարգացումը: Եվ ես հարցնում եմ, հանուն ինչի եք հանդես գալիս Դուք, հանուն բաժանման և տարաձայնությունների, թե հանուն միասնության ուժի», - եզրափակել է իր նամակում Զ.Ղարիբյանը:
Ավելի վաղ, ԱրմԻնֆո-ի հետ զրույցում Զ.Ղարիբյանը նշել էր, Վերաքննիչ դատարանի առաջին լսումներից հետո ՀՀ Տնտեսական մրցակցության պաշտպանության պետական հանձնաժողովն զբաղվում է այդ հարցի ուսումնասիրությամբ: Բացի այդ, մի խումբ գինեգործներ որոշել են դիմել Հայաստանի խաղողագործների և գինեգործների հիմնադրամի օգնությանը: Երկրորդ դատական նիստը, ըստ Զ.Ղարիբյանի, նախատեսված է փետրվարի 13-ին:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը