Արմինֆո. ՀՀ գյուղատնտեսության նախարար Իգնատի Առաքելյանն այսօր ընդունել է Հայաստանում Լիբանանի Հանրապետության նորանշանակ արտակարգ և լիազոր դեսպան Մայա Դաղերին:
Ինչպես տեղեկացնում է ՀՀ գյուղատնտեսության նախարարության տեղեկատվության և հասարակայնության հետ կապերի բաժինը, շնորհավորելով դեսպանին Հայաստանում դիվանագիտական առաքելության մեկնարկի կապակցությամբ` նախարար Իգնատի Առաքելյանը հույս է հայտնել, որ նրա պաշտոնավարման շրջանում գյուղատնտեսության բնագավառում հայ-լիբանանյան հարաբերությունները կշարունակեն խորանալ և ընդլայնվել:
«Հայաստանի և Լիբանանի միջև առկա է գյուղատնտեսության բնագավառում համագործակցության մեծ ներուժ, և մենք պատրաստ ենք լիբանանյան կողմի հետ քննարկել տարբեր առաջարկներ, այդ թվում` նաև ներդրումային ծրագրերի իրականացման և արտահանումների կազմակերպման վերաբերյալ», – ողջունելով հյուրին` նշել է նախարար Իգնատի Առաքելյանը:
Գյուղատնտեսության ոլորտում որպես հայ-լիբանանյան համագործակցության լավագույն օրինակ կողմերը, մասնավորապես, հիշատակել են «Գարդենիա Լեբանիզ Ֆարմս» ընկերության գործունեությունը, որի ջանքերով 2015 թվականին Կոտայքի մարզի Եղվարդ համայնքում հիմնվել են «պեկան» տեսակի ընկուզենու այգիներ:
Ելնելով Հայաստանի և Լիբանանի աշխարհագրական դիրքի նմանությունից` երկուստեք ընդգծվել է գյուղատնտեսության բնագավառում երկու երկրների միջև փորձի փոխանակման կարևորությունը:
Հանդիպման ավարտին պայմանավորվածություն է ձեռք բերվել քայլեր ձեռնարկել 2004 թվականի ապրիլին «ՀՀ և ԼՀ գյուղատնտեսության նախարարությունների միջև գյուղատնտեսության բնագավառում համագործակցության մասին» համաձայնագրի շրջանակում գյուղատնտեսության ոլորտում հայ-լիբանանյան համագործակցության ընդլայնման և երկու երկրների գյուղատնտեսության նախարարությունների միջև գործնական կապերի ամրապնդման ուղղությամբ:-
Կորոնավիրուսի հակաճգնաժամային միջոցառումերի տրամաբանությամբ. ինչպես է հաղթհարվելու եվ ինչի հաշվին
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 1)
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 2)
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար
Տուլան պատրաստ է բարձրորակ հնդկահավի միս մատակարարել Հայաստան և օրգանական պարարտանյութերի արտադրության գործարան կառուցել
Հանքարդյունաբերությունը` <մուկն ու կատու> խճճված խաղ
Հայաստանն ընդգրկվել է Վրաստան արտահանող երկրների առաջատար եռյակում