Երկուշաբթի, 5 Փետրվարի 2018 17:43

Արմինֆո. ProWine China-2017 Գինիների և  ալկոհոլային խմիչքների միջազգային ցուցահանդեսին մասնակցելուց հետո հայ գինեգործներին հաջողվեց ստորագրել դեպի Չինաստան գինու արտահանման 4 համաձայնագիր: Այս մասին ԱրմԻնֆո-ին տեղեկացրել է Հայաստանի խաղողագործների և գինեգործների հիմնադրամի (VWFA) տնօրեն Զարուհի Մուրադյանը:

Նա ընդգծել է, որ ձեռնարկություններն արտահանմանը դեռ ձեռմանուխ չեն եղել, քանի որ Չինաստանը խիստ պահանջներ է դնում արտահանման մատակարարումների ձևակերպումների գծով: Այս պահին ընկերությունները, ըստ նրա, գտնվում են բանակցությունների վերջնական փուլում:

Բացի այդ, VWFA ղեկավարը հավելել է, փոտրվարի 5-9-ը հայ գինեգործները կմասնակցեն սննդամթերքի, խմիչքների և արտադրական հումքի «ՊՐՈԴԵՔՍՊՈ-2018» 25-րդ միջազգային ցուցահանդեսին: «Արտահանման առումով մեր հիմնական գործընկերը Ռուսաստանն է մնում, հետևաբար, մենք դեռ պետք է շատ աշխատենք, որպեսզի բարելավենք հայկական գինիների ճանաչումը ռուսական շուկայում», - ասել է նա:

ՀՀ Ազգային վիճակագրական ծառայության տվյալներով, 2017 թվականին Հայաստանում արտադրել է 8,8 մլն լիտր գինի, իսկ գինու արտահանումն ավելացել է 30%: Ըստ Մաքսային ծառայության վերջին տվյալների, 2017-ի առաջին կիսամյակում Հայաստանից արտահանվել է 1,2 մլն լիտր գինի, տարեկան աճը`61%, որի մաքսային արժեքն ավելացել է 84,3%, մինչև $ 4,7 մլն.: Հաշվետու ժամանակաշրջանում հայկական գինիների արտահանումը դեպի Չինաստան կազմել է ընդամենը 9.7 հազար լիտր, տարեկան աճը`11 անգամ, իսկ մաքսային արժեքը կազմել է 62.3 հազար դոլար: Հայկական գինիների արտահանման 80%-ը (1 միլիոն լիտր) բաժին է ընկնում ռուսական շուկային: Միևնույն ժամանակ, հաշվետու ժամանակաշրջանում դեպի Ռուսաստան հայկական գինիների արտահանումն ավելացել է 68.1%: