Արմինֆո. 2018 թվականի հունվարից Հայաստանի Հանրապետությունում ներդրվել է ԵՄ «Արտոնությունների ընդհանրացված և համալրված համակարգ» («GSP+») արտոնյալ առևտրային ռեժիմի շրջանակներում ապրանքների ծագման հավաստագրման էլեկտրոնային նոր` «Գրանցված արտահանողների համակարգը» (REX): Ինչպես հաղորդում է ՀՀ տնտեսական զարգացման և ներդրումների նախարարության մամուլի ծառայությունը, արտադրողները և արտահանողները տեղական ծագման ապրանքները ԵՄ շուկա արտահանելու նպատակով կարող են գրանցվել REX էլեկտրոնային համակարգում: Համակարգում գրանցումը հնարավորություն է տալիս «GSP+» արտոնյալ առևտրային ռեժիմի շրջանակներում ԵՄ արտահանումներն իրականացնել առանց ծագման երկրի Ա ձևի հավաստագրի՝ յուրաքանչյուր արտահանման դեպքում ներկայացնելով միայն ծագման հավաստման հայտարարություն: Միաժամանակ, REX համակարգի կիրառմանը զուգահեռ՝ 12-ամսյա անցումային ժամանակահատվածում, ծագման երկրի Ա ձևի հավաստագիր կարող է տրամադրվել նաև այն արտահանողներին, ովքեր դեռ չեն գրանցվել REX համակարգում:
Ապրանքների ծագման հավաստագրման էլեկտրոնային «Գրանցված արտահանողների համակարգում» (REX) գրանցումն իրականացվում է ՀՀ տնտեսական զարգացման և ներդրումների նախարարության կողմից: Գրանցումը կատարվում է անվճար:
GSP+ արտոնյալ առևտրային ռեժիմի ներքո «Գրանցված արտահանողների համակարգում» (REX) արդեն իսկ իրականացվել է առաջին գրանցումը, և գրանցված կազմակերպությանը տրամադրվել է գրանցումը հավաստող համապատասխան փաստաթուղթը:
Ավելի վաղ ԱրմԻնֆո-ն հաղորդել էր, որ Հայաստանը 2018 թվականի հունվարից կմիանա եվրոպական REX-ЕС (Registered Exporter System) համակարգին, որը հայկական տնտեսվարողներին կտրամադրի արտոնյալ առևտրի ևս մեկ հնարավորություն: REX-ն իրենից ներկայացնում է ապրանքների ծագման սերտիֆիկացման համակարգ, որը 2017 թվականի հունվարի 1-ից կիրառվում է որպես Եվրամիության նախասիրությունների ընդհանրացված համակարգ (GSP +) և հիմնված է տնտեսական օպերատորների ինքնասերտիֆիկացման սկզբունքի վրա: Այդպիսով, առանց ապրանքների ծագման վերաբերյալ սերտիֆիկատի առկայության, մեկ անգամ գրանցվելով համակարգում, կարելի է արտահանել ԵՄ` օգտվելով GSP+ արտոնություններից: Միևնույն ժամանակ, ԵՄ հետ համաձայնագիրը թույլ կտա հեշտացնել հայկական արտադրանքի ելքը եվրոպական շուկաներ` լավ տարբերակված տեսականիով: Դա, հիմնականում, կվերաբերվի արտադրանքի որակի նկատմամբ պահանջներին, ստանդարտներին, սերտիֆիկացմանն ու դրանց փոխադարձ ճանաչմանը, երկրում լաբորատորիաների հնարավորությունների մեծացմանը:
Հավելենք, որ Հայաստանն օգտվում է GSPGeneralized System of Preferences շահառու երկրի կարգավիճակից` Կանադայի, Ճապոնիայի, Նորվեգիայի, Շվեյցարիայի և ԱՄՆ հետ միասին: GSP հաշվին ավելի քան 3500 անվանման հայկական ապրանքներ կարող են արտահանվել զրոյական մաքսատուրքով: ԱՄՆ պարագայում դա վերաբերում է ավելի քան 3000 ապրանքատեսակների: 2009 թվականի հունվարի 1-ից Հայաստանը ներառվել է այն երկրների ցուցակում, որոնց GSP+ ռեժիմ է տրամադրվել Եվրամիության կողմից: Այն վերաբերում է ավելի քան 6.400 անվանման ապրանքների:
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%