Արմինֆո. 2018 թվականին մարտին Հայաստանի կառավարությունը, ի դեմս Ֆինանսների նախարարության, նախաձեռնում է երկրի հարկային օրենսգրքի հերթական փոփոխությունները: Փոփոխությունները, ինչպես ԱրմԻնֆո-ի թղթակցին պարզաբանել է ֆինանսների փոխնախարար Դավիթ Անանյանը, հիմնականում կվերաբերվեն հարկային պարտավորությունների հաշվարկման փոփոխությանը համատեղ գործունեության շրջանակներում, կոնցեսիոն պայմանագրերի շրջանակներում տեղի ունեցած ձեռքբերումների արժեքի որոշմանը, ինչպես նաև սնանկության ընթացակարգերի մի շարք հոդվածներին:
Մասնավորապես, ըստ Անանյանի, համատեղ գործոունեության շրջանակներում հարկման ընթացակարգերն «այնքան էլ լավը չեն»: Այդ իսկ պատճառով, ինչպես նշել է Անանյանը, հղում կատարելով վիճակագրոթյանը, վերջին 5 տարիներին նման պայմանագրեր չեն կնքվել: Ըստ Ֆինանսների նախարարության, ինչպես հին, այնպես էլ նոր հարկային օրենսդրությունը գործընթացը մասնակիցների համար չեն նախատեսում խելամիտ կարգավորում: Այսօր նախարարությունը հստակեցնում է գործընթացի մասնակիցների հարկման սխեմաները: Այսպես, գործող օրենսդրությունը նախատեսում բոլոր հարկային պարտավորությունների կատարում, որոնք ձևավորված են համատեղ գործունեության արդյունքում և ապա ապահովում շահութի բաշխումը: Ֆինանսների նախարարությունը պնդում է պայմանագրի յուրաքանչյուր կողմի հարկային պարտավորությունների կատարումը և հասույթի վերաբաշխումը:
Կոնցեսիոն պայմանագրերով ձեռքբերումների արժեքի որոշման առումով Ֆինանսների նախարարությունն առաջարկում է ԱԱՀ-ի հաշվանցման ընթացակարգի վերանայում: Եթե կոնցեսիոն ակտիվների շահագործողն ստեղծում է նոր ակտիվ և փոխանցում այն պետությանը, ապա գործարքը ազատվում է ԱԱՀ-ից: Այնուամենայնիվ, գործարքի շրջանակներում կատարված ձեռքբերումներն ունեն հարկերի հաշվեգրման իրավունք: Օրինակ, եթե կոնցեսիոներ կառուցում է նոր ջրանք, որը հետագայում պետք է շահագործի, ըստ կարգի, զուտ ձևականորեն պետք է վերադարձվի պետությանը, քանի որ ողջ ենթակառուցվածքը մնում է պետության սեփականությունը, և միայն դրանից հետո նա իրավունք ունենում այն շահագործել: Այս փուլում Ֆինանսների նախարարությունն առաջարկում է նշված փոխանցումն ազատել ԱԱՀ-ից: Այդ դեպքում ֆինանսական գերատեսչությունը շահագործողին տրամադրում է ԱԱՀ-ի հաշվանցման իրավունք:
Հաջորդը վերաբերում է սնանկացման ընթացակարգերի բարեփոխումներին: Հաճախ, ըստ ՀՀ ֆինանսների նախարարության, անտանելի հարկային բեռը ֆինանսական առողջացման գործընթացում վերջ է դնում ձեռնարկության վերջնական վերակազմավորման վրա: Նախարարությունը մտադիր է վերանայել ոլորտի իրավական կարգավորումը, որպեսզի հասկանալի լինի, թե ինչ պարտավորութոյւններով է ծանրաբեռնված բիզնեսը սնանկացման գործընթացում: Ընդհանուր առմամբ, նախարարությունը նախատեսում է ճկուն մեխանիզմներ գտնել ընկերություններիառողջացման համար, որոնք գտնվում են սնանկացման գործընթացում, միևնույն ժամանակ բացառելով արհեստական սնանկացման դեպքերը: Այդ նպատակով փոփոխություններ կկատարվեն օրենսդրական ակտերում, որոնք անվճարունակության ընթացակարգերը կարգավորում են Հարկային օրենսգրքի շրջանակներից դուրս: Բացի այդ, կվերանայվեն նաև ԱԱՀ-ի վճարման և հաշվանցման հարցերը`գրավի առարկայի օտարման ժամանակ:
Հիշեցնենք, որ հարկային օրենսգիրքը Հայաստանի արդեն քննադատվել է փորձագետների և գործարար համայնքի կողմից, որոնց կարծիքով փաստաթուղթն ուղղված է ոչ թե զարգացմանը, այլ պետության հարկային խնդիրների լուծմանը:-