Արմինֆո. Կոնվերս բանկն ու Հայփոստը համատեղ ակցիա են գործարկել Shopin ծառայությունից օգտվողների համար: Ինչպես ԱրմԻնֆո-ին հաղորդեցին բանկի մամուլի ծառայությունից, ակցիայի գործարկմամբ Կոնվերս Բանկը խորացնում է գործակցությունը Բանկի հիմնական բաժնետիրոջ՝ պարոն Էդուարդո Էռնեկյանի կողմից կառավարվող խմբում ներառված մեկ այլ կառույցի <<Հայփոստ>>-ի հետ՝ փոստային օպերատորի Sհopin համակարգով անկանխիկ գնումներ կատարողներին որոշ բանկային ծառայություններ մատուցելով արտոնյալ պայմաներով:
Մասնավորապես, ակցիայի շրջանակներում Կոնվերս Բանկը Shopin ծառայությունից 2017թ. ընթացքում օգտված հաճախորդներին առաջարկում է Visa Gold և Visa Classic քարտեր՝ 50%-ով զեղչված սպասարկման վճարով, ինչպես նաև վարկային սահմանաչափով Visa Virtual հաշիվներ: <<Մինչև 1 մլն դրամի չափով վարկային սահմանաչափը կարող է օգտագործվել միայն Հայփոստի Shopin ծառայությունից օգտվելու նպատակով (ապրանքներ ձեռք բերելու և գնված ապրանքի Հայփոստի կողմից առաքման ծառայության վճար)>>, - ասվում է հաղորդագրությունում: Զուգահեռաբար, Կոնվերս Բանկը Հայփոստի որոշ բաժանմունքների հաճախորդներին է առաջարկում ապառիկ վարկավորում՝ մրցունակ պայմաններով:
Ըստ ԱրմԻնֆո գործակալության` «Հայաստանի բանկերը քարտային բիզնեսում» №16 վերլուծական Տեղեկագրի, Կոնվերս բանկն իր ակտիվ քարտերի, ինչպես նաև Visa և MasterCard քարտերի ընդհանուր թվով գտնվում է առաջատարների հնգյակում: 2017 թվականի հոկտեմբերի 1-ի դրությամբ բանկի ակտիվ քարտերի ընդհանուր քանակն ավելացրել է 35.1%, մինչև 183.8 հազար: Բանկի ակտիվ քարտերի ընդհանուր թվում Visa քարտերը կազմել են 28.2%, իսկ MasterCard քարտերը`12,5%: Բանկի պլաստիկ գործարքների ծավալը տարվա 9 ամիսներին ավելացել է 62%, մինչև 239.1 մլրդ դրամ, այդ ցուցանիշներով զբաղեցնելով աեաջին տեղը: 2017 թվականի հոկտեմբերի 1-ի դրությամբ Բանկն ուներ 104 բանկոմատ և 753 սեփական POS-թերմինալ, տարեկան աճը` 3% և 31,6%: Կոնվերս Բանկը տեղական ArCa քարտերից զատ թողարկում և սպասարկում է նաև Visa и MasterCard:
Նշենք, որ Կոնվերս Բանկ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): Բանկի մասնաճյուղերի ցանցը ներառում է 34 ստորաբաժանում, որոնցից 13-ը գտնվում է Երևանում, 20-ը` Հայաստանի մարզերում, 1-ը` Արցախում:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ