Վահան Մարտիրոսյանն ու Մաքսիմ Սոկոլովը քննարկել են Հայաստանում իրականացվող ճանապարհաշինական ծրագրերն ու դրանցում ռուսական ընկերությունների մասնակցության հնարավորությունները 

Արմինֆո. ՀՀ և ՌԴ միջև տնտեսական համագործակցության միջկառավարական հանձնաժողովի 18-րդ նիստի շրջանակներում ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ընդունել է ՌԴ տրանսպորտի նախարար Մաքսիմ Սոկոլովին: 

ՀՀ տրանսպորտի, կապի և տեղեկատվական տեխնոլոգիաների նախարարության

լրատվական ծառայության հաղորդման համաձայն, հանդիպման ընթացքում կողմերն անդրադարձել են երկու երկրների միջև տրանսպորտի ոլորտում համագործակցության առկա իրավիճակին, հեռանկարային ծրագրերին, ինչպես նաև Եվրասիական տնտեսական միության (ԵԱՏՄ) շրջանակներում համագործակցության ուղղություններին և հնարավորություններին։

Մասնավորապես, քննարկվել են Հայաստանի և Ռուսաստանի միջև ավտոմոբիլային տրանսպորտով բեռնափոխադրումներին, երկու երկրների միջև կանոնավոր և ոչ կանոնավոր ուղևորափոխադրումներին, Հայաստանի և Ռուսաստանի միջև միջազգային ավտոմոբիլային հաղորդակցմանն առնչվող մի շարք հարցեր։ 

Անդրադարձ է եղել նաև Հայաստանում իրականացվող ճանապարհաշինական ծրագրերին և դրանցում ռուսական ընկերությունների մասնակցության հնարավորություններին: 

ՀՀ և ՌԴ միջև տնտեսական համագործակցության միջկառավարական հանձնաժողովի 18-րդ նիստը տեղի ունեցավ Երևանում: Նիստի համանախագահներն էին ՀՀ վարչապետ Կարեն Կարապետյանը և ՌԴ տրանսպորտի նախարար Մաքսիմ Սոկոլովը։ 

Նշենք, որ փետրվարի 20-ին Երևանում տեղի է ունեցել Հայաստանի և Ռուսաստանի միջև տնտեսական համագործակցության միջկառավարական հանձնաժողովի 18-րդ նիստը: Ռուսաստանի պատվիրակությունը գլխավորել է ՌԴ տրանսպորտի նախարար Մաքսիմ Սոկոլովը, Հայաստանինը` վարչապետը Կկարեն Կարապետյանը: