Արմինֆո. Տավուշի մարզում կարող է ինդուստրիալ էկոլոգիական պարկ ստեղծվել: Նախագծի մշակումը իրականացման փուլում է գտնվում և կներկայացվի ՀՀ կառավարության քննարկմանը: Այդ մասին ԱրմԻնֆո-ի թղթակցին հայտնել է ՀՀ նախագահին կից Հանրային խորհրդի փորձագետ, ՀՀ Ազգային ժողովի նախկին պատգամավոր Տարոն Սահակյանը:
Նրա խոսքով, պարկի խնդրի մեջ կմտնի արդյունաբերական նպատակներով արտադրական մնացուկների վերամշակումը: Նախատեսվում է, մասնավորապես, գյուղատնտեսական արտադրության մնացուկների, էկոլոգիապես մաքուր արտադրանքի համար անտառների սանիտարական հատումից թափոնների վերամշակում: Բացի այդ, նախատեսվում է նաև կազմակերպել լեռնահանքային ճյուղի մնացորդների, օրինակ՝ ոչ մետաղական ապարների վերամշակում: Նախագծի իրականացումը կունենա մուլտիպլիկատիվ էֆեկտ, քանի որ թույլ կտա ստեղծել ոչ միայն մշտական աշխատատեղեր, այլ նաև արտադրական թափոններ ներգրավել ֆիզիկական և իրավաբանական անձանցից:
Տարոն Սահակյանը խուսափել է պատասխանել այն հարցին, թե որքան կարժենա ծրագիրը՝ նշելով միայն, որ նախագիծը գտնվում է տարբեր գերատեսչությունների հետ համաձայնեցումների փուլում, այդ թվում՝ գյուղատնտեսության նախարարության: «Բոլոր ընթացակարգերի ավարտից հետո ծրագիրը կներկայացվի երկրի կառավարությանը: Մինչ այդ հայտնի կդառնան նաև ներդրումների ծավալները, որոնք նախատեսված է իրականացնել պետություն-մասնավոր գործակցություն ձևաչափով»,- ասել է Սահակյանը:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար