Հինգշաբթի, 1 Մարտի 2018 17:46

Արմինֆո. ՀՀ կառավարությունը լիազորել է ՀՀ էներգետիկ ենթակառուցվածքների և բնական պաշարների նախարարությանը, որպես «Նաիրիտ -2»  100% -անոց բաժնետերիրոջ, վաճառել շենքերը և կառույցները, ինչպես նաև քիմիական գործարանի տարածքները, որոնք գտնվում է Արտաշատի խճուղի 5/1 հասցեում: Համապատասխան որոշումն ընդունվել է կառավարության մարտի 1-ի նիստում:

Ըստ ՀՀ էներգետիկ ենթակառուցվածքների և բնական պաշարների նախարարի տեղակալ Կարեն Ղահրամանյանի, քիմիական գործարանի օտարվող շենքերի և կառույցների հաշվեկշռային արժեքը, որոնք զբաղեցնում են 10.3 հա, կազմում է 114 600 000 դրամ: Ընդ որում, գործարանի գույքային համալիրը կօտարվի 626,9 մլն դրամով (ակտիվները գնահատվել են A-S Investments անկախ գնահատողի կողմից):

Ըստ փոխնախարարի, ընկերության նախատեսվող ներդրումները կկազմեն շուրջ 7,5 մլրդ դրամ: Առաջիկա 7-10 տարիների ընթացքում կստեղծվի շուրջ 250 աշխատատեղ:

Ինչպես նշվում են հիմնավորման մեջ, գույքային համալիրը երկար ժամանակ չի օգտագործվում և անհույս վիճակում է: Այսօրվա դրությամբ տարածքում գործունեության հետ կապված ծրագրեր չկան:

Հատկանշական է, որ տեղեկատվություն չկա « A-S Investments» ընկերության մասին:  Իրավաբանական անձանց պետական ​​ռեգիստրում ԱրմԻնֆո ընկերությունը հայտնաբերել է, որ ընկերությունը գրանցվել է 2018 թ. փետրվարի 22-ին, իսկ հիմնադիրը ՀՀ քաղաքացի Գևորգ Հակոբյանն է: Իսկ կառավարության որոշման հիմնավորման համաձայն, փետրվարի 23-ին ընկերությունը դիմել է կառավարությանը, պատրաստակամություն հայտնելով ձեռք բերել քիմիական գործարանի գույքային համալիրը:

Մասնավորապես, ընկերությունը նախատեսում է ստեղծել մեքենաշինական արտադրամաս, մետաղական և փայտե իրերի արտադրության համար, ինչպես նաև կենտրոնացված պահեստ շինանյութերի և հումքի համար, երկաթբետոնե և բետոնե կոնստրուկցիաների արտադրամաս, վարձակալական պահեստներ, հյուրանոցային համալիր, ցուցահանդեսային սրահ և այլն:

«Նաիրիտ» գործարանը լիովին դադարեցրել է աշխատանքը 2014 թվականին: Գործարանի ընդհանուր պարտքը մոտեցել է 50 մլրդ դրամի (շուրջ 130 մլն դոլար): Մինչև նախորդ դարի 80-ական թվականների վերջը գործարանի արտադրանքն զբաղեցնում էր սինթետիկ կաուչուկի համաշխարհային շուկայի 10-12%-ը: 2006 թվականին «Նաիրիտ» ընկերության բաժնետոմսերի 90%-ը վաճառվել է  բրիտանական Rhainoville Property Limited կոնսորցիումին: Կոնսորցիումին է պատկանում «Նաիրիտ գործարան» ՓԲԸ բաժնետոմսերի 89,999%-ը, 4,496%-ը պատկանում է ՀՀ էներգետիկայի և բնական պաշարների նախարարությանը, 3,596%-ը` «ՀայՌուսգազարդե ՓԲԸ-ին, 1,907%-ը` «Երևանի ՏԷՑ» ՓԲԸ-ին: 2006 թվականին գործարանի և հիմնական բաժնետեր Rhinoville Property Limited-ի հիմնական միջոցները գրավադրվել են Միջպետական բանկի 70 մլն դոլար վարկի դիմաց և դարձել են բանկի սեփականություն` վարկը չմարելու արդյունքում: 2015 թվականին Համաշխարհային բանկը Հայաստանի կառավարության պատվերով անցկացրել էր «Նաիրիտ» գործարանի ֆինանսական և տեխնիկական աուդիտ: ՀԲ գնահատականների համաձայն, գործարանի վերագործարկումն աննպատակահարմար է   թվում, քանի որ պահանջվում է առնվազն 250 մլն դոլար: Սակայն ներդրողներ հայտնվելու դեպքում էլ ՀԲ փորձագետները կասկածում են, որ գործարանի արտադրանքը գնորդ կգտնի և, ընդհանրապես, կլինի մրցունակ:  ՀԲ աուդիտորները հանգել են հետևության, որ ինչպես բութադիենի, այնպես էլ ացետիլենի հիման վրա արտադրական գործընթացի պայմաններում «Նաիրիտի» արտադրանքը կունենա բավականին բարձր ինքնարժեք` նաև հիմնական միջոցների զգալի մասի էական մաշվածության պատճառով: Փորձագետների մեծ մասը կարծում է, որ ՀԲ աուդիտի արդյունքները կարելի է դիտարկել որպես գործարանի սնանկացման գործընթաց սկսելու հանձնարարական, ինչն էլ, ըստ էության, տեղի ունեցավ:-