Ուրբաթ, 23 Մարտի 2018 19:14
Ալեքսանդր Ավանեսով

Լեհական Simed Group ընկերությունը հետաքրքրություն է ցուցաբերել Հայաստանում Վեդիի ջրամբարի շինարարության հարցում

Լեհական Simed Group ընկերությունը հետաքրքրություն է ցուցաբերել Հայաստանում Վեդիի ջրամբարի շինարարության հարցում

Արմինֆո. Վարչապետ Կարեն Կարապետյանի ներկայությամբ կառավարությունում այսօր ստորագրվել է Փոխըմբռնման հուշագիր՝ Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի և լեհական «Simed Construction» ընկերության միջև:

Ինչպես տեղեկացրել է ՀՀ կառավարության մամուլի ծառայությունը, փաստաթուղթն ստորագրել են ՀՀ ԷԵԲՊՆ Ջրային տնտեսության պետական կոմիտեի նախագահ Արսեն Հարությունյանը և «Simed Construction» ընկերության գործադիր տնօրեն, «Simed group» ընկերությունների խմբի նախագահ Բոգուսլավ Շիկորսկին: 

Հուշագրի համաձայն՝ կողմերը կզարգացնեն պետություն-մասնավոր ձևաչափով համագործակցությունը (PPP) ջրամբարաշինության ոլորտում ծրագրերի իրականացման ուղղությամբ:

Մինչ հուշագրի ստորագրումը վարչապետ Կարեն Կարապետյանը և «Simed Construction» ընկերության գործադիր տնօրեն Բոգուսլավ Շիկորսկին մտքեր են փոխանակել երկկողմ գործակցությանը վերաբերյալ, անդրադարձել հեռանկարային ծրագրերին և առաջիկա անելիքներին: 

Կարեն Կարապետյանը ողջունել է «Simed Group» ընկերությունների խմբի մուտքը Հայաստան՝ նշելով. «Տեղյակ եմ, որ ակտիվ բանակցություններ եք ունեցել, և չափազանց խելացի ու պրոգրեսիվ թիմ ունեք, որովհետև ճիշտ ժամանակին և ճիշտ երկիր եք եկել: Պետություն-մասնավոր համագործակցությունը մեզ համար խիստ կարևոր է, և մենք չափազանց ճկուն ենք լինելու այս հարաբերությունները ձևավորելու հարցում, քանի որ շահագրգռված ենք, որպեսզի համագործակցության այս բանաձևը տարածում ստանա մեր երկրում: Ջրային տնտեսության ոլորտը մեր առաջնահերթությունների շարքում է»:
Շնորհակալություն հայտնելով վարչապետին ընդունելության համար և կարևորելով ՀՀ կառավարության հետ համագործակցությունը՝ Բոգուսլավ Շիկորսկին նշել է. «Simed Group» ընկերությունների խումբը ներկայացնում է լեհական մի քանի ընկերություն և իրականացնում է այնպիսի ծրագրեր, որոնք Դուք նշեցիք որպես առաջնահերթություն: Շատ արդյունավետ է համագործակցությունը Հայաստանի զարգացման հիմնադրամի հետ, և այն շարունակելու մեծ հնարավորություն ենք տեսնում՝ ինչպես ջրամբարների, այնպես էլ էներգետիկայի ոլորտներում»:

Անդրադառնալով ջրամբարաշինության ծրագրերում փոխգործակցության զարգացմանը՝ Բոգուսլավ Շիկորսկին այն հեռանկարային է համարել և նշել, որ ընկերությունը նախատեսում է կարճ ժամանակ անց՝ 2018 թ. հունիսին, սկսել աշխատանքները: Նա տեղեկացրել է, որ վաղը նախատեսում են այցելել Վեդի՝ ջրամբարի շինարարության ընթացքին ծանոթանալու և հետագա քայլերը քննարկելու համար: 
Վարչապետ Կարեն Կարապետյանն ընդգծել է, որ ՀՀ կառավարությունը պատրաստ է կանգնել յուրաքանչյուր ներդրողի, այդ թվում՝ «Simed Construction» ընկերության կողքին և աջակցել պետություն-մասնավոր ձևաչափով համատեղ ծրագրերի իրականացմանը:

Ավելի վաղ ԱրմԻնֆո-ն հղում կատարելով Ջրային ռեսուրսների պետական ​​կոմիտեի նախագահ Արսեն Հարությունյանին, հաղորդել էր, որ Վեդիի ջրամբարի շինարարությունը կտևի չորս տարի: Ջրամբարը շինարարությունը արդեն սկսվել է, և, դատելով աշխատանքի տեմպերով, կարելի է ենթադրել, որ ծրագիրը կիրականացվի նախատեսված ժամկետից շուտ: Արդյունքում, հանրապետությունը կստանա 29 միլիոն խորանարդ մետր ծավալով ջրամբար, ինչը հնարավորություն կտա կրճատել ջրի բացթողումները Սևանա լճից մինչև 15 միլիոն խորանարդ մետր:

Հիշեցնենք, որ 2017 թվականի հունվարի 23-ից սկսվել է Վեդիի ջրամբարի կառուցումը: Ջրամբարի ընդհանուր տարողությունը կկազմի 29 մլն խորանարդ մետր, իսկ ոռոգվող հողերի տարածքը կկազմի 3200 հա: Արդյունքում, կհաջողվի տնտեսել մոտ 19 մլն կՎտ / ժ էլեկտրաէներգիա, իսկ ոռոգելի տարածքը կավելանա 300 հեկտարով: Ներկայումս համակարգի կորուստները կազմում են 40-50%: Ծրագրի իրականացման արդյունքում կորուստները կկրճատվեն մինչև 15-20%: Արդյունքում Սևանա լճից ոռոգման ջրի բացթողումը կկազմի 18 միլիոն խորանարդ մետր: Այսպիսով, ծրագրի ազդեցությունը կտարածվի 6 հազար հա հողատարածքների վրա: Նշենք, որ Վեդիի ջրամբարի շինարարական ծրագիրը ֆինանսավորվում է Զարգացման ֆրանսիական գործակալության վարկի միջոցներով: Ծրագրի ընդհանուր արժեքը կազմում է 90 մլն եվրո:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000