Արմինֆո.Ֆրանսիական զարգացման գործակալությունը 10 մլն եվրո դրամաշնորհ կտրամադրի Արարատի և Արմավիրի մարզերում գյուղատնտեսական ծրագրերի իրականացման համար: Այդ մասին հաղորդվել է նախօրեին կայացած սեմինարի ժամանակ՝ նվիրված գյուղատնտեսության ոլորտում ֆինանսների հասանելիության բարելավմանը:
Ինչպես տեղեկացնում է ՀՀ գյուղատնտեսության նախարարության տեղեկատվության և հասարակայնության հետ կապերի բաժինը, գումարն ուղղվելու է կաթիլային ոռոգման համակարգերի և կարկտապաշտպան ցանցերի ներդրման, ինտենսիվ այգիների հիմնման, պտուղների վերամշակման ու հողերի կոնսոլիդացման ուղղությամբ կատարվող ծրագրերի իրագործմանը: Այս ծրագրի միջոցով Արարատի մարզում կառուցվող Վեդու ջրամբարին հարակից համայնքների հողերը կխոշորացվեն և կաթիլային ոռոգման համակարգեր կներդրվեն:
Հայաստանում Ֆրանսիայի արտակարգ և լիազոր դեսպան Ջոնաթան Լաքոտը նշել է, որ նմանօրինակ աշխատաժողովներն առավել կամրապնդեն երկրների միջև կապն ու ոլորտի տարբեր ներկայացուցիչների համար փորձի փոխանակման հարթակ կդառնան:
Ավելի վաղ ԱրմԻնֆո-ն հայտնել էր, որ 2016 թ. հունվարին Հայաստանի և Ֆրանսիական զարգացման գործակալության միջև ստորագրվել է 75 մլն եվրո պայմանագիր՝ Վեդիի ջրամբարի կառուցման նպատակով: Փաստաթուղթը ստորագրվել է Հայաստանի 2014-2025 թթ. հեռանկարային զարգացման ռազմավարական ծրագրի հիման վրա: Վարկը տրամադրվել է 20 տարի ժամկետով՝ վեցամյա արտոնյալ ժամանակաշրջանով:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |