Արմինֆո. Այսօր «Զվարթնոց» միջազգային օդանավակայանում ռուսական Red Wings ավիաընկերության ներկայացուցիչները հանդես են եկել մամուլի ասուլիսով՝ նվիրված ավիաընկերության՝ հայկական շուկա մուտք գործելուն:
Ինչպես տեղեկացրել է ՔԱԳՎ մամուլի ծառայությունը, ավիաընկերության գլխավոր տնօրեն Եվգենի Կլյուչարևը նշել է, որ չվերթների մեկնարկից հետո շուրջ երկու շաբաթվա ընթացքում ապահովվել է օդանավերի 90 տոկոս բեռնվածություն, ինչը գոհացնում է ավիաընկերությանը և թույլ է տալիս ամառային նավիգացիոն շրջանի համար կատարել դրական կանխատեսումներ:
Հիշեցնենք, որ ավիաընկերությունը Մոսկվա-Երևան-Մոսկվա երթուղին շահագործում է 2018 թվականի մարտի 18-ից շաբաթական 4 չվերթ հաճախականությամբ Airbus A320/321 և Ту-204 տիպի օդանավերով, իսկ չվերթների ամենօրյա ռեժիմին նախատեսում է անցնել ապրիլին:
Նշենք, որ Red Wings ավիաընկերությունն ստեղծվել է 1999 թվականին: Մինչև 2013 թվականն ընկերության սեփականատերն էր Ազգային պահուստային կորպորացիան - Ռուսաստանի ֆինանսական և արդյունաբերական հոլդինգային ընկերությունը, բայց 2013 թ. ապրիլին վաճառեց այն «Գուտա» ընկերությունների խմբին, իսկ գործարքի արժեքը բավականին խորհրդանշական էր և կազմեց 1 ռուբլի:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |