Արմինֆո. Հայաստանի ինովացիոն զարգացման ռազմավարության շրջանակներում ապրիլի 22-ին Երևանում տեղի կունենա Armneian Blockchain Forum միջազգային համաժողովը (ABF), որին կմասնակցեն բլոկչեյն-տեխնոլոգիաների փորձագետներ 20 երկրներից: Այս մասին ապրիլի 11-ին կայացած մամուլի ասուլիսում հայտարարել է ՀՀ տնտեսական զարգացման և ներդրումների փոխնախարար Էմիլ Տարասյանը:
Նա նշել է, որ ֆորումի համար ներգրավված են մոտ 20 ներդրումային հիմնադրամներ, որոնց ընդհանուր կապիտալացումը գերազանցում է 10 մլրդ դոլարը: Նա պարզաբանել է, որ միջազգային ժյուրին կընտրի 15 սթարտափներին, որոնք կանցնեն ակսելերացիոն փուլը և ներդրումներ կստանան իրենց արտադրության զարգացման և նոր շուկաներ դուրս գալու համար: Տարասյանը ֆորումին մասնակցելու կոչ է արել հայկական սթարտափներին, որոնք գործում են ոչ միայն բլոկչեյնի ոլորտում, այլ նաև արհեստական ինտելեկտի և այլն ոլորտներում, ընդգծելով, որ Հայաստանն առայժմ ներկայացված է 3 նախագծով: «Ֆինանսական առումով խոչընդոտներ չեն լինի: Ամեն ինչ կախված կլինի ներկայացված նախագծի մասշտաբներից և որքանով այն իրատասական ու հետաքրքիր կլինի համաշխարհային շուկային», - ավելացրել է Տարասյանը: Այս համատեքստում փոխնախարարը չի բացառում ներդրումների ճնշող մասի ներգրավման հնարավորությունը հենց հայ մշակողների կողմից:
Խոսելով բլոկչեյն տեխնոլոգիաների մասին, փոխնախարարն ընդգծել է, որ կառավարության ներգրավվածությունն այդ նախագծերում հիմնականում պայմանավորված է այդ տեխնոլոգիաների կողմից գործարար մշակույթը փոխելու ունակությամբ, ստեղծելով վստահության հիմքի վրա ինքնակարգավորվող համակարգ, որը կբարելավի մատուցվող ծառայությունների որակը և կապահովի տնտեսական արդյունավետությունը: Սակայն, Է.Տարասյանը կարևոր խնդիրներից մեկն է համարում գիտելիքների պակասը բլոկչեյն տեխնոլոգիաների ոլորտում, թե պետական, և թե մասնավոր հատվածներում: «Ֆորումի անցկացումը մեծ հաշվով կնպաստի այդ բացի լրացմանը և դրա արդյունավետ կիրառմանը», - ասել է նա:
Իր հերթին, ABF կրթական կլաստերի գործադիր տնօրեն Անաստասիա Տյուրինան նշել է, որ այսօր բեկումնային տեխնոլոգիաների առումով «Հայաստանը կանգնած է մի կետում, որից սկսվում է մեծ թռիչքը»: «Հայաստանը համաշխարհային մասշտաբի չգնահատված ակտիվ է: Այստեղ ավելի քան 25 հազար մարդ կրթություն է ստանում ՏՏ մասնագիտությունների գծով, առնվազն 4 համալսարաններ պատրաստում են Computer Science մասնագետների: Ավելին, 14 հազար երեխա վերապատրաստվել է ԹՈւՄՈ ստեղծարար տեխնոլոգիաների կենտրոնում: Իսկ դա մեծ ներուժ է», - ասել է նա: Որպես առանձքային խնդիր Տյուրինան նշել է Հայաստանում սթարտափների ձևավորումը, որը կունենա իրացման գլոբալ շուկաներ, ինչպես նաև նոր սերնդի ներդրումների նկատմամբ հասանելիություն: «Բլոկչեյնի ինդուստրիան մեր վիճակախաղի տոմսն է, որը չի կարելի չգնել: Մեր խնդիրն այն է, որպեսզի Երևանում հնարավորինս ավելի շատ մարդկանց պատմենք, թե որտեղ է տեղի ունենում ՏՏ մասնագիտությունների կրթումը, ինչ է բլոկչեյնը, և ինչ ոլորտներում է այն օգտագործվում, ինչպիսի հաջող պորտֆելներ կան արդեն», - ասել է նա:
Բացի այդ, Ա.Տյուրինան նշել է, որ տեխնոլոգիական բլոկի հետագա զարգացման առումով ABF-ի տեսլականը կհամապատասխանի Հայաստանի նորարարական զարգացման ռազմավարությանը: «Մենք մեկ ուղղությամբ ենք նայում, շարժվում և աճում», - եզրափակել է փորձագետը: Նշենք, որ ABF շրջանակներում նախատեսվում է ոլորտի առաջատար միջազգային մասնագետների մասնակցությունը: Համաժողովը բաժանվելու է երեք սեկցիաների`լիագումար քննարկումներ, վարպետության 12 դասընթացներ և սկսնակների ընտրություն: Բացի այդ, ֆորումը նախատեսում է B2B և B2G ձևաչափերով հանդիպումների հարթակ:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին
Նախկին պատգամավորը՝ Հայաստանի տնտեսական իրավիճակի մասին. այն, ինչը ջուրն է բերում, ջուրն էլ տանում է