Արմինֆո. Czech Airlines ավիաընկերությունը հունիսի 8-ից վերսկսում է դեպի Երևան կանոնավոր չվերթները: Երևան-Պրահա չվերթները կիրականացվեն շաբաթը երկու անգամ Airbus A319 ինքնաթիռներով:
Ինչպես տեղեկացրել է հաղորդում է ATO-ն, ընկերությունը հայտարարել է, որ Պրահայի և Երևանի միջև օդային հաղորդակցությունը ընդհատվել էր Ռուսաստանի ճգնաժամի, ռուբլու և հարևան երկրների արժույթների անկման և դրան հաջորդող դեպի Չեխիա թռիչքների պահանջարկի նվազեցման պատճառով:
«Անցյալ տարի Արևելյան Եվրոպայի և Անդրկովկասյան հանրապետությունների շուկաները կայունացան և շատ ասպեկտներով վերադարձան մինչև 2014 թվականի ճգնաժամի մակարդակի: Սա հաստատվում է ոչ միայն Ռուսաստանից, այլև Հայաստանից դեպի Չեխիա օդային փոխադրումների աճող պահանջարկով: Ահա թե ինչու մենք որոշեցինք վերադառնալ հայկական շուկա և վերականգնել կանոնավոր Երևան-Պրահա չվերթները», - մեկնաբանել է Czech Airlines ընկերության առևտրային տնօրեն Յան Տոտը:
Նրա խոսքով այս երթուղին հիմնականում նախատեսված է Հայաստանից Պրահա մեկնող ուղևորների համար: «Թռիչքները միանում են դեպի Գերմանիա, Բելգիա, Ֆրանսիա կամ Սկանդինավյան երկրներ և հակառակ ուղղությամբ մեր կանոնավոր թռիչքներին»:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |