Արծվիկ Մինասյանը նշում է, որ շատ ներդրողներ ձգտում են ներդրումներ կատարել Հայաստանի տնտեսությունում

Արմինֆո. ՀՀ տնտեսական զարգացման և ներդրումների նախարար Արծվիկ Մինասյանը նշում է, որ շատ ներդրողներ ձգտում են ներդրումներ կատարել Հայաստանի տնտեսության մեջ: Այդ մասին նա հայտարարել է մայիսի 17-ին, կառավարության նիստից հետո:

Նրա խոսքերով, նա չի տեսնում Հայաստանում տնտեսական ներքաղաքական իրադարձությունների պատճառով հնարավոր տնտեսական անկման ռիսկեր: «Ավելին, այսօր նշվում է հակառակ միտումը` շատ մարդկանց կողմից Հայաստանում ներդրումներ կատարելու ակնհայտ ցանկությունը: Իսկ դա նշանակում է, որ մենք պետք է նախապատրաստենք մեր ենթակառուցվածքները, որպեսզի ներգրավենք նոր ներդրումներ», - ասել է նա:

Միևնույն ժամանակ, նախարարը նշել է, որ ներդրումների չափերը, որոնք կատարվել են ընթացիկ տարում` կառավարության օժանդակության շրջանակներում, հարկային և մաքսային արտոնությունների տրամադրումով, կազմել են շուրջ 35 մլրդ դրամ: Օտարերկրյա ներդրումների ծավալը, ըստ Մինասյանի, կհայտարարվի առաջիկայում:

Հայաստանում 2018 թ.-ի հունվար-մարտին տնտեսական ակտիվությունը նախորդ տարվա նույն ժամանակահատվածի համեմատ աճել է 10.6%: Ըստ ՀՀ Ազգային վիճակագրական ծառայության նախնական տվյալների, այս անգամ աճի դրայվերներն են եղել բոլոր ոլորտներն առանց բացառության, մասնավորապես, շինարարություն - 23%, ծառայություններ - 16,5%, առևտուր - 12.9%, արդյունաբերություն - 8.2%, գյուղատնտեսություն - 2.2%, իսկ էներգետիկ համալիր - 0.4%: Անցյալ տարվա համեմատ աճ է արձանագրվել առևտրի և ծառայությունների ոլորտներում, դանդաղել է աճն արդյունաբերույթունում և էներգետիկ համալիրում, իսկ անկումից դուրս են եկել գյուղատնտեսական ոլորտը և շինարարությունը: Միևնույն ժամանակ, 2018 թ. մարտին, փետրվարի համեմատ, տնտեսական ակտիվության ցուցանիշն աճել է 16%: Ընդ որում, էներգետիկ համալիրում գրանցվել է միակ անկումը` 9.6%: Այս ֆոնի վրա, աճի տեմպն արագացել գյուղատնտեսական ոլորտում`20.6% -ից մինչև 25.9%, արդյունաբերությունում`11.7% -ից մինչև 17.5%, իսկ ծառայությունների ոլորտում`9.8% -ից մինչև 13.1%, իսկ դանդաղել է աճն առևտրի ոլորտում`20% -ից մինչև 8.6%, շինարարության ոլորտում`97.3% -ից մինչև 94.4%: