Արմինֆո. Կոնվերս Բանկը ամփոփել է «Հանդիպենք չեմպիոններին» ակցիայի արդյունքները; Ակցիան գործարկվել էր մարտին, Կոնվերս Բանկի Mastercard և Maestro քարտապանների համար: Նպատակը հաճախորդների խրախուսումն էր, ինչպես նաև անկանխիկ գործարքների ծավալի աճը: Այս մասին տեղեկացրել է Բանկի մամուլի ծառայությունը:
«Ակցիայի ընթացքում՝ մարտի 26-ից մայիսի 10-ն ընկած ժամանակահատվածում, նախորդ տարվա նույն ժամանակահատվածի համեմատ, զգալի աճել է Կոնվերս Բանկի Mastercard և Maestro քարտերով անկանխիկ գործարքների և՛ քանակը, և՛ ծավալը: Մասնավորապես, Բանկի քարտերով անկանխիկ գործարքների շրջանառությունն աճել է 23%, իսկ անկանխիկ գործարքների քանակը՝ 77%»,- նշում է աղբյուրը:
Զուգահեռաբար, ակցիայի մասնակիցները, Բանկի գործընկերային ցանցում կատարելով անկանխիկ գնումներ, օգտվել են գումարի հետվերադարձից, Կոնվերս միավորներ կուտակելու հնարավորությունից, իսկ 10 հաջողակները խաղարկությամբ ստացել են տարբեր մրցանակներ, այդ թվում՝ 6 հատ 100.000 դրամ, 3 հատ 250.000 դրամ և UEFA Չեմպիոնների լիգայի եզրափակչի 1 տոմս՝ երկու հոգու համար/ ներառյալ ուղեգիրը/:
Նշենք, որ խաղարկությանը մասնակցել են նվազագույնը 400 000 դրամ/ համարժեք արտարժույթ/ ընդհանուր գումարի առնվազն 25 անկանխիկ գործարք քարտապանները:
Ըստ ԱրմԻնֆո գործակալության` «Հայաստանի բանկերը քարտային բիզնեսում» №16 վերլուծական տեղեկագրի, «Կոնվերս Բանկն՚ իր ակտիվ քարտերի, ինչպես նաև Visa և MasterCard քարտերի ընդհանուր թվով գտնվում է առաջատար հնգյակում: 2017 թվականի հոկտեմբերի 1-ի դրությամբ բանկի ակտիվ քարտերի ընդհանուր քանակն ավելացրել է 35.1%, մինչև 183.8 հազար: Բանկի ակտիվ քարտերի ընդհանուր թվում Visa քարտերը կազմել են 28.2%, իսկ MasterCard քարտերը`12,5%: Բանկի պլաստիկ գործարքների ծավալը տարվա 9 ամիսներին ավելացել է 62%, մինչև 239.1 մլրդ դրամ, այդ ցուցանիշներով զբաղեցնելով առաջին տեղը: 2017 թվականի հոկտեմբերի 1-ի դրությամբ բանկն ուներ 104 բանկոմատ և 753 սեփական POS-տերմինալ: «Կոնվերս Բանկը՚ տեղական ArCa քարտերից զատ թողարկում և սպասարկում է նաև Visa и MasterCard:
Նշենք, որ «Կոնվերս Բանկ՚ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): Բանկի մասնաճյուղերի ցանցը ներառում է 34 ստորաբաժանում, որոնցից 13-ը գտնվում է Երևանում, 20-ը` Հայաստանի մարզերում, 1-ը` Արցախում:
