Արմինֆո. Ոչ մի երկիր չի կարող իր տեղը գտնել միջազգային տնտեսության մեջ, եթե ներգրավված չէ տարածաշրջանային տնտեսությունում: Հունիսի 1-ին Ղազախստանի դեսպանության և Գլոբալիզացիայի և տարածաշրջանային համագործակցության վերլուծական կենտրոնի կողմից կազմակերպված`«Նոր մարտահրավերներ և սպառնալիքներ Եվրասիական ինտեգրմանը» խորագրով կլոր սեղանի ընթացքում, նման կարծիք է հայտնել տնտեսագետ Թաթուլ Մանասարյանը:
Այս համատեքստում նա ընդգծել է ԵԱՏՄ բոլոր երկրների միջև բոլոր ուղղություններով համագործակցության զարգացումը, ընդ որում, ոչ միայն տնտեսական զարգացման շրջանակներում:
«Շատ կարևոր է, որպեսզի անդամ-պետություններն ուշադրություն դարձնեն ընդհանուր սպառնալիքներին: Ես ցանկանում եմ դիմել բոլոր դեսպաններին, որպեսզի իրենց կառավարույթունների միջոցով փորձեն ստեղծել այնպիսի կառույցներ, որտեղ փորձագետներին հնարավորություն է տրվում աջակցել նրանց ճիշտ որոշումներ կայացնելիս, գիտականորեն հիմնավորված, այլ ոչ թե կենացների մակարդակով, որի հետևից չենք կարողանում հետագայում հասնել, ինչպես նաև ռեսուրսների և փաստացի միտումների առումով», - ընդգծել է նա:
Հիմնականների շարքում տնտեսագետը նշել է սննդի անվտանգության, ժողովրդագրության հարցը, որը վերաբերում են ոչ միայն Հայաստանին, քանի որ որակյալ աշխատուժի արտահոսքը, նրա խոսքով, գոյություն ունի ԵԱՏՄ բոլոր երկրներում: «Մեր երկիրն այս առումով դարձել են զարգացած շուկաներով երկրների դոնորը», - ավելացրել է Մանասարյանը:
Բացի հիմնական հարցերից, փորձագետը նշել է ֆինանսական և էկոլոգիական անվտանգության հարցերը: «Դա կարող է թվալ ներքին խնդիր, բայց երբ համեմատում ենք արտաքին աշխարհի հետ, ապա հասկանում ենք, որ մենք պարտավոր ենք տարածաշրջանային մակարդակով թիմային աշխատանք կատարել դրանց լուծման համար», - եզրափակել է նա:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |