Արմինֆո.Ըստ ՀՀ Կենտրոնական բանկի նորացված կանխատեսման, Հայաստանի ՀՆԱ-ի աճը 2018 թվականին կկազմի 4.5-6.5%, 2019 թվականին` 4,1-6,2%, 2020-ին`3,9-6,1%, նախկինում կանխատեսված, համապատասխանաբար`4,7-5.8%, 4.5-5.9% և 4.4-6% փոխարեն:
Այս մասին է ասվում ՀՀ ԿԲ 2018 թվականի II եռամսյակի դրամավարկային քաղաքականության ծրագրում, որը հրատարակվել է հունիսին: Նշվում է նաև մասնավոր հատվածի սպառման նորացված կանխաըեսումը`3,7%, իսկ ներդրումների համար`9.5%, որոնց ազդեցությունը տնտեսական աճի վրա գնահատվում է 4,6 տոկոսային կետով, իսկ արտահանման դրական ազդեցությունը ՀՆԱ աճիվրա գնահատվում է 2, 6 տոկոսային կետով:
Կենտրոնական բանկը ներմուծման աճը 2018-ին կանխատեսում է 5-7%, իսկ արտահանման աճը`11. 13%, մինչ այդ կանխատեսված`6-8% և 9-10% փոխարեն: Դրամական փոխանցումների աճի գծով 2018-ին կանխատեսվում է 7-9%, կապված Ռուսաստանի տնտեսական աճի կանխատեսումների հետ (1,8% 2018 թ.):
Կենտրոնական բանկն ակնկալում է, որ տնտեսական աճի շարժիչ ուժերը կլինեն արդյունաբերությունը և ծառայությունների ոլորտը , իսկ գյուղատնտեսությունը և շինարարության ոլորտը քիչ ազդեցություն կունենան ՀՆԱ-ի աճի վրա:
Նշենք, որ Համաշխարհային բանկի հունիսյան նորացված կանխատեսման համաձայն, Հայաստանի ՀՆԱ-ի աճը 2018 թվականին կկազմի 4,1%, 2019-2020 թվականներին`4%, իսկ ՀՀ պետական բյուջեով ՀՆԱ-ի 2018-ի աճը նախատեսված է 4,5%:
ՀՀ Ազգային վիճակագրական ծառայության տվյալներով, 2017 թվականին Հայաստանի ՀՆԱ-ն աճել է 7.5%, մինչև 5.580 տրիլիոն դրամ (11.6 միլիարդ դոլար): Մեկ տարի առաջ, 2016-ին ՀՆԱ-ի աճի դանդաղել էր մինչև 0,2%, 2015-ի 3.2% -ի փոխարեն: ՀՆԱ-ի ինդեքս-դեֆլյատորը 2017-ին կազմել է 102.2%, 2016-ի 100.5%-ի և 2015-ի 101.2%-ի համեմատ:
Տնտեսական աճը 2017-ին խթանեցին սպասարկման ոլորտը`14,4% տոկոս, առևտրի ոլորտը`14%, արդյունաբերական ոլորտը`12,6%, ինչպես նաև էներգետիկ համալիրը`6.1% և շինարարությւնը`2.2%: Հայաստանի արտաքին առևտրի շրջանառության ծավալը 2017.-ին աճել է 26,9%, մասնավորապես, արտահանման աճը կազմել է 25,2%, իսկ ներմուծման աճը`27.8%: