Արմինֆո. Ռուսաստանում հայկական արտադրանքի որակի և տեսականու նկատմամբ վստահությունը շաը բարձր է: «Մերիդիան» էքսպո-կենտրոնում հունիսի 29-ին տեղի ունեցած հայ-ռուսական միջտարածաշրջանային 7-րդ համաժողովի ընթացքում այս մասին հայտարարել է Ռուսաստանի պատվիրակության ղեկավար, ՌԴ մշակույթի նախարար Վլադիմիր Մեդինսկին:
«Ուրախալի է ընդգծել, որ Ռուսաստանը Հայաստանի արտաքին առևտրական հիմնական գործընկերն է, որը կազմում է արտաքին առևտրաշրջանառության 30 տոկոսը, և սա ուղեկցվում է ապրանքաշրջանառության տարեկան աճով, ըստ վերջին վիճակագրական տվյալների`36 տոկոսով: Ավելին, մենք տեսնում ենք Հայաստանից Ռուսաստան մրգերի և բանջարեղենի մատակարարման աճի հեռանկարները: Եվրասիական միությանն անդամակցելուց հետո հայկական սննդամթերքներն առաջատար դիրքեր է զբաղեցնում ռուսական շուկայում», - ասել է նա: Նախարարը շարունակել է, որ Հայաստանից ներկրված հյութերի և Coca-Cola- ի միջև ընտրության հարցում ռուսական սպառողն ընտրում է Հայաստանից բերված հյութը, նույնը վերաբերում է մրգերին և բանջարեղենին:
Մեդինսկիի խոսքերով, ընդամենը մեկ տարում աճել են հայաստանյան արտադրողների համատեղ ապրանքանիշների ռուսական շուկա մուտք գործելուն ուղղված նախագծերը:
Ըստ նախարարի, համակարգային պետական որոշումներն ընդունվում են մշտական հիմունքներով, որոնք նպաստում են տարբեր խոչընդոտների հարթեցմանը: «Օրինակ, ռուսական և հայկական վերահսկող մարմիններն իրականացնում են անասնաբուժական սերտիֆիկացման էլեկտրոնային համակարգի ինտեգրման ծրագիր, որը պարզեցնելու է արտադրանքի մշակման կարգը: Եվ այս առումով կարևորվում են ռուսական առևտրային ցանցերի և հայ արտադրողների միջև լրացուցիչ ուղղակի շփումներն առանց ավելորդ միջնորդների մասնակցության: Ռուսաստանն ու Հայաստանը ոչ միայն ռազմավարական գործընկերներ են, դարերի ընթացքում մենք զարգացնում ենք հարաբերություններ, որոնք հիմնված են բարեկամության, հավասարության սկզբունքների, փոխադարձ շահերի վրա: Այդ հարաբերություններում հատուկ տեղ են զբաղեցնում տարածաշրջանի ուղղակի շփումները, որոնք հիմնված են առևտրի ազատ շուկաների և փոխհարաբերությունների հավասարության սկզբունքների վրա», - ասել է նա:
ՏՏ ոլորտում ծրագրերի իրականացման համար ներդրումային ֆոնդի ստեղծման գաղափարը շարունակում է մնալ արդիական: «Մենք համագործակցության հեռանկարներ ունենք ՏՏ և թվային տեխնոլոգիաների ոլորտում, հատկապես այն բանից հետո, երբ Հայաստանն այս բնագավառում ունի մեծ ներուժ: Դա առաջին հերթին վերաբերում է կիրառական ՏՏ լուծումներին ազգային տնտեսության տարբեր ճյուղերում», - ասել է Մեդինսկին:
Մեդինսկին հիշեցրել է, որ Հայաստանի համար գազի գների պահպանման խնդիրները 2018 թվականի համար մշակվել են 1000 խորանարդ մետրի դիմաց 150 դոլար մակարդակում: «Ես գոհունակությամբ նշում եմ մեր երկրների ատոմային էներգետիկայի ոլորտում հաջող համագործակցությունը, և մեր ընդհանուր նպատակն է ընդլայնել հայկական ատոմակայանի կյանքը: Հուսով ենք, որ այս ոլորտում ևս կխորացվի համագործակցությունը», - ավելացրել է ռուսաստանյան պատվիրակը:
Բացի այդ, նա կարևորել է նաև երկկողմ համագործակցության զարգացումը հումանիտար, կրթության, գիտության, մշակույթի և այլ ոլորտներում: