Արմինֆո. ՀՀ տարածքային կառավարման և զարգացման նախարարի տեղակալ Դավիթ Գևորգյանն այսօր ընդունել է Ասիական զարգացման բանկի (ԱԶԲ) Կենտրոնական և Արևմտյան Ասիայի գրասենյակի ֆինանսների, առևտրի և հանրային կառավարման բաժնի գլխավոր մասնագետ Պետեր Մարոյին:
Ինչպես տեղեկացրել է նախարարության մամուլի ծառայությունը, հանդիպմանը կողմերը քննարկել են ԱԶԲ-ի կողմից առաջարկվող բնական աղետներից ապահովագրության վարկային ծրագիրը Հայաստանում ներդնելու հնարավորությունը: Ծրագիրն իր մեջ ներառում է մի շարք բաղադրիչներ` ներառյալ բնական աղետների կանխարգելման քաղաքականության մշակումը, ենթակառուցվածքների բարելավումը, ռիսկերի կառավարումը:
Փոխնախարար Դ. Գևորգյանը նշել է, որ Հայաստանը հետաքրքրված է բնական աղետների կանխարգելմանն ուղղված նոր քաղաքականության մշակման և այս ոլորտում ապահովագրության առաջավոր փորձի ներդրմամբ:
Իր հերթին ԱԶԲ ներկայացուցիչը հույս է հայտնել, որ հանդիպումը սկիզբ կդառնա այս ոլորտում հետագա փոխգործակցության ձևավորման համար:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |