Արմինֆո. «Հայաստանի կառավարության գործունեությունը վստահություն է ներշնչում, և ես վստահ եմ, ապագա ներդրումների հարցում», - ասել է լրագրողների հետ զրույցում, Հայաստանում ԱՄՆ արտակարգ և լիազոր դեսպան Ռիչարդ Միլսը:
Ըստ նրա, Հայաստանի կառավարության գորչծունեությունը, որն ուղղված է կոռուպցիայի դեմ պայքարին, ողջունում են ամերիկյան ներդրողները: Սակայն, դեսպանն ընդգծել է, որ դեռ շատ վաղ է հայտարարել խոշոր ներդրումային նոր ծրագրերի մասին: «Մենք ամերիկյան ներդրողներից պետք քիչ հարցումներ ենք ստանում Հայաստանի ներդրումային հնարավորությունների վերաբերյալ: Ներդրողները ցանկանում են տեսնել, թե արդյոք Հայաստանի իշխանությունները հետևողական կլինեն հակակոռուպցիոն քաղաքականության հարցում, և ինչ ելք կունենան քննչական կոմիտեի կողմից հարուցված գոչրծերը, արդյոք դրանք կընթանան օրենքի պահանջներին համաձայն», - ասել է Ռ. Միլսը:
Հետևաբար, այսօր ԱՄՆ կառավարությունը դիտարկում է Հայաստանի հնարավոր աջակցության բոլոր ուղիները, մասնավորապես, կապված ֆինանսավորման աջակցության ավելացման հետ, որը տրամադրվում է ԱՄՆ ՄԶԳ և այլ պետական կառույցների կողմից:
Ըստ ՀՀ Ազգային վիճակագրական ծառայության տվյալների, առևտրի շրջանառությունը Հայաստանի և Միացյալ Նահանգների միջև 2017 թվականին աճել է 68,2% և կազմել $ 204,8 մլն: Մասնավորապես, արտահանումն ավելացել է 76.5% և կազմել $ 68,5 մլն, իսկ ներմուծումն աճել է 64,3% և կազմել $ 136,3 մլն:
