Արմինֆո.Հնդկաստանի և Հայաստանի միջև տնտեսական հարաբերությունները զարգանում են, բայց այն մակարդակի վրա չեն, ինչը կցանկանայինք: Այդ մասին հուլիսի 24-ին Հայաստանում հնդկական ապրանքների 12-րդ ամենամյա ցուցահանդես-տոնավաճառի շրջանակներում ասել է ՀՀ-ում Հնդկաստանի դեսպանատան առաջին քարտուղար Նիքհիլեշ Մոհան Դհիրարը՝ պատասխանելով ԱրմԻնֆո-ի հարցին:
«Մենք օգնում ենք Հայաստանին մի շարք ծրագրերի իրականացման հարցում: Մասնավորապես, Հայաստանում գործում է Հայ-հնդկական ՏՀՏ գերազանցության կենտրոն, ստեղծվել է համակարգչային կենտրոն Վանաձորում: Բացի այց, մի շարք ծրագրեր են գործում առողջապահության ոլորտում: Հուսով ենք, որ շուտով նոր համատեղ նախագծեր կիրականացվեն նաև կրթական ոլորտում»,- ասել է նա: Այս համատեքստում պրն. Դհիրարը հայտնել է, որ ամեն տարի Հնդկաստանի կառվարությունը ֆինանսավորում է Հայաստանի շուրջ 40 երիտասարդ քաղաքացիների ուսուցումը Հնդկաստանի բուհերում:
Խոսելով ցուցահանդեսի մասին՝ առաջին քարտուղարը նշել է, որ իր երկրի դեսպանատունը շահագրգռված է նման միջոցառումների անցկացմամբ և կարևորում է ցուցահանդեսների ու սեմինարների անցկացումը:
ԱրմԻնֆո-ի հետ զրույցում տոնավաճառ-ցուցահանդեսի կազմակերպիչները ընդգծել են, որ նկատի ունենալով Հայաստանում հնդկական արտադրանքի բարձր պահանջարկը՝ որոշվել է ցուցահանդեսը երկարաձգել մինչև օգոստոսի 5-ը՝ մինչև հուլիսի 22-ն ավելի վաղ նախատեսված ժամկետի փոխարեն: Հաշվի առնելով այցելուների մեծ հետաքրքրվածությունը՝ կազմակերպիչները արտադրանքի լրացուցիչ խմբաքանակ են պատվիրել: Հայաստանում ցուցահանդես-տոնավաճառում հնդկական ապրանքների իրացումից հասույթը տարեկան աճում է 8-10%:
Նշենք, որ այս տարի հնդկական ապրանքների ցուցահանդես-տոնավաճառն անցկացվում է 10:30-ից մինչև 21:00-ը Մաշտոցի պողոտա 7ա հասցեում: Կազմակերպիչների խոսքով, այս տարի ցուցահանդես կանցկացի նաև նոյեմբերին:
Նշենք, որ ՀՀ Ազգային վիճակագրական ծառայությունում բացակայում են Հայաստանի և Հնդկաստանի միջև փոխադարձ առևտրի վերաբերյալ տվյալներ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |