EY ընկերության Հայաստանի գրասենյակը նշել է 10-ամյա հոբելյանը

Արմինֆո. Համաշխարհային ճանաչում ունեցող խորհրդատվական և աուդիտորական ընկերություններից մեկի` EY (Ernst & Young) Հայաստանի գրասենյակը օրերս նշել է իր 10-ամյակը Երևանում` EY գրասենյակների աշխարհի տարբեր քաղաքներում աշխատող բարձրաստիճան աշխատակիցների, Հայաստանի կառավարության, տեղի և միջազգային գործարար շրջանակների ներկայացուցիչների, ինչպես նաև EY հաճախորդների, գործընկերների և բարեկամների շրջանում: Apricot Party ավանդական միջոցառումն այս անգամ կայացել է Radisson Blu Hotel հյուրանոցում:

ԱրմԻնֆո-ի թղթակցի հետ զրույցում EY  ԱՊՀ  տարածաշրջանի  գործարքների ուղեկցման խորհրդատվության բաժնի գնահատման ծառայությունների ղեկավար, հիմնադիր գործընկեր Հակոբ Սարգսյանը նշել է, որ 10 տարվա գործունեության ընթացքում արդեն կարելի է համարձակ խոսել այն մասին, որ ընկերության սպասարկումը, գործնականում, 100% արդեն տեղայնացվել է Հայաստանում: «Այսօր արդեն մենք շատ բան ենք  անում Հայաստանում` ինքնուրույն: Ավելին, տեղի մասնագետների լուծումներն ու ծառայությունները հաջողությամբ վաճառվում են ԱՊՀ, բալթյան, եվրոպական երկրների շուկաներում՚, - ընդգծել է նա:

Հ.Սարգսյանի ասելով, վերջին տարիներին, չնայած բարդ տնտեսական իրավիճակին, EY աշխատակիցների թիվը չի կրճատվել, հակառակը, ավելացել է: «Մենք տաղանդավոր երիտասարդությանն ինքնադրսևորման հնարավություն ենք ընձեռում: Բիզնեսի արդյունավետությունը բարձրացնելու համար ստեղծված լուծումների շուրջ մենք ներգրավում ենք նոր մարդկանց և լավատեսությամբ են քնայում  իրավիճակին՚, - ասել է EY ներկայացուցիչը:

Խոսելով դեպի առավել թափանցիկություն, աուդիտի և խորհրդատվության նկատմամբ պահանջարկի մեծացում հայկական շուկայի փոխակերպման մասին` Սարգսյանն ընդգծել է, որ ամեն բան կախված է երկրում ստեղծված պայմաններից: Հաշվի առնելով հանգամանքը, որ Հայաստանում տեղի են ունեցել փոփոխություններ, որոնք նպաստում են թափանցիկ գործունեությանը, EY ընկերությունը լավատեսությամբ է նայում ապագային: «Կարծում եմ, որ ամեն ինչ կախված է մեզանից: Հեշտ է խոսել նորմալ պայմաններ ստեղծելու անհրաժեշտության մասին, սակայն ամենադժվարը դրանց ապահովումն է՚, - ընդգծել է Սարգսյանը: Այդ համատեքստում նա կիսել է Ռուսաստանի հայ համայնքի հետ իր հանդիպման մասին տպավորությունները: «Շատերը ցանկանում են վերադառնալ, և, մեծ հաշվով, նրանց շատ բան հարկավոր չէ. միայն արժանապատիվ պայմաններ, և, փոխարենը, համոզված եմ, նրանք շատ ավելի ուժ ու եռանդ կներդնեն Հայաստանի բարգավաճման գործում: Սփյուռքը պատրաստ է. գլխավորը մեր պատարստ լինելն է՚, - ասել է նա:

Վերադառնալով վերջերս ՀՀ նախագահ Արմեն Սարգսյանի հետ հանդիպմանը` Հակոբ Սարգսյնան ընդգծել է, որ պետության ղեկավարի հետ խոսակցությունն իրեն   էլ ավելի է ոգեշնչել: Նրա ասելով, EY ընկերության ներկայացուցիչները հանդիպման ընթացքում հիշատակել են ընկերության գործունեությունն Իսրայելում, ինչն ապահովել է տնտեսության աննախադեպ աճ: «Իմ երազանքն է, որպեսզի Հայաստանը վերապրի նման պատմություն՚, - վկայակոչել է նա նախագահ Ա.Սարգսյանի խոսքերը: Միևնույն ժամանակ, նա ընդգծել է, որ նախագահի կողմից դրսևորված ըմբռնումը ոգեշնչում է, հետևաբար, ընկերությանն այդ հարցում մնում է ամեն ինչ պատշաճ կազմակերպել:

EY Հայաստանի կառավարիչ գործընկեր Էրիկ Հայրապետյանը, իր հերթին, գոհունակություն է հայտնել, որ  գրասենյակի 10-ամյակը դիմավորում են այն մարդկանց շրջանում, որոնց շնորհիվ հասել են այսօրվա վիճակին շուկայում` հաճախորդներ, Երևանի գրասենյակի աշխատակիցներ, ընկերության շրջանավարտներ, և, իհարկե <<Ծիրանի տոնի>>  հյուրեր աշխարհի տարբեր EY գրասենյակներից: «Համաշխարհային ընկերության հնարավորությունները լայն են, իսկ հայրանակիցների եռանդի հետ միասին, դրանք թույլ  կտան լիովին բացահայտել EY ներուժը Հայաստանում: Մեր ընկերակցությունն աճում է, մենք ձեռք ենք բերում նոր բարեկամներ, մենք բոլորս դեռ շատ բան ունենք անելու Հայաստանի համար՚, - ասել է նա:

Նշենք, որ EY ընկերությունը միջազգային առաջատար է աուդիտի, հարկադրման, գործարքների ուղեկցման և խորհրդատվության ոլորտում: Ընկերությունն ունի շուրջ 250 հազար աշխատակից աշխարհի տարբեր երկրներում, որոնց միավորում են ընդհանուր կորպորատիվ արժեքները, ինչպես նաև հավատարմությունը տրամադրվող ծառայությունների որակին:

Հայկական շուկայում EY գրասենյակը ներկա է 1999 թվականից, սակայն ընկերությունն ակտիվ գործունեություն է ծավալել 2008 թվականից, երբ Երևանի գրասենյակը մտել է ԱՊՀ ենթատարածաշրջանի կազմ: