Արմինֆո. ՀՀ կառավարությունն ակտիվ աշխատանք է տանում տնտեսություն ներդրումների ներգրավման ուղղությամբ, լրագրողների հետ զրույցում հայտարարել է առաջին փոխվարչապետ Արարատ Միրզոյանը: Նա ընդգծել է, որ բազմամիլիոն ծրագրերը հնարավոր չէ իրականացնել մի քանի ամսում, հետևաբար՝ պետք է սպասել:
Հուլիսի 20-ին լրագրողների հետ զրույցում վարչապետ Նիկոլ Փաշինյանը հայտարարել էր Հայաստանի առնչությամբ ներդրումային մեծ հետաքրքրության առկայության մասին: Վարչապետի խոսքով, չնայած որոշակի ներդրումային նախագծերի առկայությանը՝ ներկայիս կառավարությունը ձեռնպահ կմնա ներդրողների անունները և ենթադրվող ներդրումների ծավալները նշելուց: «Ավելի ճիշտ կլինի, եթե դրանց մասին հայտարարվի այն բանից հետո, երբ դրանք իրականություն կդառնան»,- ասել է Փաշինյանը:
Հիշեցնենք, որ «թավշյա հեղափոխությունից» հետո շատ փորձագետները Հայաստանում ներդրումային բում էին կանխատեսել: ՀՀ տնտեսական զարգացման և ներդրումների նախարար Արծվիկ Մինասյանը, հունիսի 21-ին պատասխանելով ԱրմԻնֆո-ի հարցին, հայտարարել էր Հայաստանի տնտեսության մեջ ներդրումներ կատարելու ներդրողների պատրաստակամության մասին: Կրկին անգամ առանց նշելու անուններ և ակնկալվող ներդրումների հստակ ծավալներ՝ նա նշել էր, որ ներդրումներ կկատարվեն ինչպես արդյունաբերության, այնպես էլ զբոսաշրջության և բարձր տեխնոլոգիական ծառայությունների ոլորտներում: «Խոսքը վերաբերում է բավական մեծ ծավալներին» - նշել էր նա: Ըստ նախարարի, Հայաստանում ներդրումներ կատարելու պատրաստակամության մասին հայտարարվել է գրեթե բոլոր զարգացած երկրների ներդրողների կողմից: Իսկ նրանք, ովքեր արդեն որոշակի ներդրումային ծրագրերով են հանդես եկել, եվրոպական երկրների, ԱՄՆ-ի, Ռուսաստանի, Չինաստանի ներկայացուցիչներ են:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |