ՌԵՈՒ «դուստր՚ «Հարավկովկասյան երկաթուղի՚ ՓԲԸ ստուգումներում ոչ մի քաղաքական աստառ չկա

Արմինֆո. ՌԵՈՒ «դուստր՚ «Հարավկովկասյան երկաթուղի՚ ՓԲԸ ստուգումներում ոչ մի քաղաքական աստառ չկա: Սեպտեմբերի 4-ին լրագրողների հետ հանդիպմանն այդ մասին հայտարարել է տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը:

Նրա ասելով, պետությունն իրավունք չունի  միջամտելու ընկերության ֆինանսական գործունեությանը, սակայն պահպանում է ֆինանսական հոսքերը ստուգելու իրավունքը, ինչն ամրագրված է հավատարմագրային կառավարման շուրջ պայմանավրով: Խոսքը վերաբերում է  ընկերության կողմից ֆինանսական ռեսուրսների օգտագործման ադյունավետությունը պարզելու անհրաժեշտությանը: Այժմ հենց այդպիսի ստուգում է անցկացվում: «Հետաքննությունը ամենևին էլ ՀԿԵ աշխատանքը դադարեցնելու նպատակ չի հետապնդում: Խոսքն ընդամենն այն մասին է, որպեսզի պարզել, թե ընկերությունը որքանով արդյունավետ է ծախսում միջոցները՚, - հայտարարել է նախարարը, հավելելով, որ այդ հարցը քննարկել է ռուսաստանցի գործընկերների հետ: «Երկու կողմերը ցանկանում են հասկանալ, թե այդ քննությունը որքանով է համապատասխանում իրականնությնաը՚, - նշել է Աշոտ Հակոբյանը:

Հիշեցնենք, որ ՀՀ քննչական կոմիտեն ստուգում է ՀԿԵ-ն` պարզելու ընկերության հարկային պարտավորությունների կատարումը: Ստուգումների ուղղություններից մեկը կարող են դառնալ նաև Հայաստանի բյուջեի հատկացումները, որոնք ուղղորդվել են ՀԿԵ ուղևորափոխադրումների սակագների տոկոսադրույքների փոխհատուցման նպատակով: