Ալավերդիի բնակիչները փակել են Երևան-Թբիլիսի երկաթգիծը. նրանք պահանջում են ապահովել իրենց աշխատատեղերով

Արմինֆո.Ալավերդիի բնակիչները փակել են Երևան-Թբիլիսի միջպետական երկաթգիծը: Նրանք բողոքում են Ալավերդու պղնձաձուլական գործարանի փակման դեմ և պահանջում վերականգնել ձեռնարկության աշխատանքը:

2018 թ. հոկտեմբերի 19-ին ձեռնարկությունը դադարեցրել է աշխատանքը՝ բնապահպանական նորմերի լուրջ խախտումների պատճառով: Աշխատանքային օրենսգրքի պահանջների համաձայն՝ ընկերության բոլոր աշխատակիցներին

մինչև  հոկտեմբերի վերջը ուղարկել էր աշխատանքային պայմանագրերի լուծման մասին ծանուցումներ: Փետրվարին քաղաքի Ավագանու խորհուրդու վարչապետին ուղղված նամակում ներկայացրել է քաղաքի՝ օրեցօր վատթարացող վիճակը և խնդրել սառեցնել գործարանի աշխատակիցների վարկային պարտավորությունները, ինչպես նաև հստակեցնել գործարանի ապագային առնչվող հարցը: Ինչպես նշում են ակցիայի մասնակիցները, չստանալով պատասխան՝ այսօր Ալավերդիի բնայիչները բողոքի ակցիա են կազմակերպել:

Ինչպես ԱրմԻնֆո-ին հայտարարել են ձեռնարկության աշխատակիցները, ձետրվարի 28-ին կլուծվեն գործարանի աշխատակիցների հետ աշխատանքային հարաբերությունները: Հոկտեմբերից մինչ այսօր իրենք վճարվել են աշխատավարձի երկու երրորդի չափով: <Ահա արդեն երեք ամիս մեզ կերակրում են խոստումներով. ձեռնարկության ղեկավարությունը պատրաստ է վերագործարկման, կառավարությունը դեմ չէ: Պահանջում ենք, որպեսզի կառավարությունը, ձեռնարկության սեփականատերը վերջնական որոշում կայացնեն գործարանի ապագայի առնչությամբ>,- հայտարարել է Ալավերդու պղնձաձուլական գործարանի աշխատակից Գարեգին Անտաշյանը:

Ցույցի մասնակիցների հետ արդեն հանդիպել է Լոռու մարզպետ Անդրեյ Ղուկասյանը՝ խոստանալով միջոցներ ձեռնարկել: Այնուամենայիվ, ձեռնարկության աշխատակիցները պատրաստ են գիշերը նստացույց անցկացնել երկաթուղային մայրուղում: <Գործարանի 630 աշխատակից մնացել է առանց գոյատևման միջոցի, մենք խնդրում ենք կողմնորոշվել՝ կամ հայտարարել ձեռնարկության վերագործարկման մասին, կամ վերջակետ դնել: Եթե կառավարությունն ի վիճակի չէ ապահովել աշխատանքով, մենք կկողմնորոշվենք մեր հետագա քայլերի հարցում>,- հայտարարել է Անտաշյանը՝ ակնարկելով, որ արտագաղթի ալիք կբարձրանա մարզից:

Հիշեցնենք, որ 2018 թ. հոկտեմբերի 19-ից Ալավերդու պղնձաձուլական գործարանի վառարանները հանգած են: Շրջակա միջավայրի պահպանության պետական ​​տեսչությումը կոմբինատին տուգանել է 380 միլիոն դրամով (700 հազար դոլար)՝ 2005 թվականին ընդունված բնապահպանական օրենսդրության լուրջ խախտումների պատճառով: Խնդիրն ավելի է բարդանում այն հանգամանքով, որ ձեռնարկության գույքային համալիրն ապահովված է ավելի քան 500 մլն դոլարի վարկի միջոցով, որը նախկինում ստացվել է  Թեղուտի պղնձամոլիբդենային հանքավայրի զարգացման համար, որի շահագործումը նույնպես մեկ տարի առաջ դադարեցվել էր բնապահպանական խնդիրների պատճառով, օտարերկրյա համաֆինանսավորման կասեցման հետևանքով: Նման պայմաններում վարկի սպասարկումը դառնում է ձեռնարկության համար չափազանց ոչ շահավետ, իսկ Ալավերդու գործարանի եկամտաբերության մակարդակի լուրջ անկումը, ըստ էության, կարող է հանգեցնել նրա սնանկացմանը:

Անկախ փորձագետների կարծիքով, ավելի վաղ ձեռնարկությունն աշխատել է՝ շրջանցելով կոշտ բնապահպանական կանոնները, կառավարական կառույցների հետ ոչ պաշտոնական պայմանավորվածությունների շնորհիվ՝ արտադրության ապահովման և աշխատատեղերի պահպանման նպատակով:

Նշենք, որ «Վալլեքս Գրուպե ՓԲԸ (Vallex Group) հիմնադրվել է 1998 թվականին և միավորում է 20 դուստր և փոխկապակցված ընկերություններ: Դրանց թվում են «Թեղուտե ՓԲԸ-ն, որն ստեղծվել է 2006 թվականին, բաժնետոմսերի լրիվ փաթեթը պատկանում է կիպրոսյան «Թեղուտ Ինվեսթմենթս Լիմիթիդե ՓԲԸ-ին, որի քվեարկող բաժնետոմսերի 100 տոկոսը պատկանում է «Արմենիան քոփր Փրոգրամե ՓԲԸ-ին, որի սեփականատերը Վալերի Մեջլումյանն է, ինչպես նաև` «Բեյզ Մեթըլսե ՓԲԸ-ն, որը շահագործում է Արցախի  Մարտակերտի շրջանում գտնվող Դրմբոնի պղինձ-ոսկու հանքավայրը, «Armenian Copper Programmeե ՓԲԸ (ACP), որը շահագործում է Ալավերդու պղնձաձուլման կոմբինատը, որտեղ արտադրվում է սև պղինձ: