Արմինֆո.Կառավարության նիստում վարչապետ Նիկոլ Փաշինյանն անդրադարձել նպաստների ուշացմանը և աշխատանքի ու սոցիալական հարցերի նախարար Զարուհի Բաթոյանից հետաքրքրվել՝ արդյոք հարցն արդեն լուծվել է:
Նախարարը նշել է, որ նպաստների ուշացման խնդիրը մի քանի պատճառ ունի, մի քանի գերատեսչության և տեխնիկական գործընթացների հետ է կապված: <Նշեմ, որ հիմնադրամի կողմից նպաստների վճարման համար անհրաժեշտ ֆինանսական միջոցների և ցուցակների կազմման աշխատանքները կատարվել են սահմանված ժամկետներում, սակայն մի փուլում տեխնիկական խնդիրներ են եղել նոր համակարգի ներդրման հետ կապված: Մյուս փուլում մենք խնդիր ենք ունեցել տեղում՝ Սոցիալական աջակցության տարածքային մարմիններում ID քարտերի աշխատանքի միջոցով էլեկտրոնային ստորագրությամբ վճարումներն իրականացնելու հետ կապված: Այս ծառայությունները գործում են նաև մարզպետարանների ենթակայությամբ, բայց նաև մեր կողմից ծանուցման խնդիրը 2018 թվականի վերջին համապատասխան չի եղել, սակայն տեղեկություն ունենք, որ Ֆինանսների նախարարությունից ծանուցումը եղել է ուղղակիորեն նաև մարզպետարաններին, այսինքն, այստեղ տեխնիկական պատրաստվածության խնդիր կա: Այս պահի դրությամբ լուծվել է հարցը:
Մարտի 29-ից բացվել է վճարումը, օրենքով սահմանված կարգով բացման օրվանից 10 օրվա ընթացքոըմ «Հայփոստըե պետք է տրամադրի: Այսինքն, բոլոր տարածքներում վճարումները սկսվել են և ամենաուշը 10 օրվա ընթացքում պետք է լինեն: Բայց մենք տեխնիկական խնդիր ունենք: Այս պահին մենք համագործակցության արդյունքում գործընթացն իրականացրել ենք թղթային տեղեկանքների միջոցով, բայց հաջորդ ամիս մենք պետք է տեխնիկական ապահովությունն իրականացնենք, որպեսզի որևէ այլ խնդիր չառաջանա: Հաջորդ ամսվա համար շրջաբերական է ուղարկվել և քննարկումներն իրականացվում են տարբեր գերատեսչությունների և գործընկերների հետ>,- ասել է նա:
ՀՀ ֆինանսների նախարար Ատոմ Ջանջուղազյանն ասել է, ր 2017-ին կառավարությունը որոշում է կայացրել, որով սահմանել է պետական մարմիններում էլեկտրոնային փաստաթղթերի ստորագրության կիրառման կարգը։
<Մենք անցած տարվա հոկտեմբերի երկուսին առաջին անգամ շրջաբերականով տեղեկացրել ենք մեր գործընկերներին ու խնդրել ենք, որ ապահովեն էլեկտրոնային ստորագրությունների վավեր հավաստագրերը, 10 հազար օգտատերից մոտ 3000-ինն է եղել վավեր>,-ասել է Ջանջուղազյանը։ Նրա խոսքով, մի անգամ էլ փետրվարի 2-ին են բոլոր օգտատերերին իրազեկել, որ այս ամենն ապահովեն մինչև մարտի 21-ը։ <Փաստորեն, այդ տասը հազար մարդը պետական ծառայողներ են, իսկ ինչի՞ չեն կատարել հանձնարարականը։ Տիկնայք ու պարոնայք, ինչո՞ւ ձեր ենթակաները չեն կատարել հանձնարարականները>,-հետաքրքրվել է վարչապետը: <Որ ասում ենք պետական կառավարման համակարգում շատ պարապ մարդ կա, ասում եք չէ, այդպես չէ>,-նշել է վարչապետը։ <Ոչ միայն կարճ ժամանակում խնդիրը կարգավորեք, այլ նաև հանեք այն պաշտոնյաների ցուցակը, թեկուզ դա լինի մի քանի հազար մարդուց բաղկացած, ովքեր այդ հանձնարարականը ստացել են և չեն կատարել ու որոնց անգործության արդյունքում սոցիալապես անապահով խավերը ժամանակին չեն ստացել իրենց նպաստները: Եվ երբ առաջիկայում մենք համակարգի օպտիմալացման խնդիր կլուծենք, այդ մարդիկ, ուրեմն ովքեր չեն կատարել հանձնարարականը, պետք է լինեն այդ օպտիմալացման արդյունքում աշխատանքից ազատվողների առաջին տողերում>,- ասել է վարչապետը: