Կարեն Անդրեասյան. Վրացական օպերատորը Հայաստան-Վրաստան-Ադրբեջան տուրերի կազմակերպման կապող օղակ և մենաշնորհատեր է

Արմինֆո.Վրացական օպերատորը Հայաստան-Վրաստան - Ադրբեջան տուրերի կազմակերպման կապող օղակ է: Այս մասին մամուլի ասուլիսի ժամանակ հայտարարել է զբոսաշրջության հարցերով փորձագետ, <First Travel> զբոսաշրջային ընկերության տնօրեն Կարեն Անդրեասյանը ։

<Հայաստան-Վրաստան-Ադրբեջան տուրերը կազմակերպվում են առաջին անգամ, նման ուղղություն նախկինում չի եղել ։  Այդ առումով մեծ պատասխանատվություն են կրում վրացական տուրօպերատորները, քանի որ հենց նրանք են կապող օղակը հայկական եւ ադրբեջանական տուրօպերատորների միջեւ>, - պարզաբանել Է Անդրեասյանը ՝ նշելով, որ երեք երկրներում շրջագայությունը սրընթաց կզարգանա, սակայն վրացական ընկերությունները մենաշնորհատեր են դառնում Հայաստանում զբոսաշրջության կազմակերպման ոլորտում ՝  երբեմն ինքնուրույն կազմակերպելով տուրեր դեպի հանրապետություն:

Զբոսաշրջության հարցերով փորձագետ, Վրաստանի համալսարանի պրոֆեսոր Նիկո Կվարացխելիան իր հերթին նշել է, որ այդ առումով այլընտրանք չկա: Նիկո Կվարացխելիան արձանագրել է վրաց եւ հայկական տուրօպերատորների միջեւ հաստատված շփումները՝  հայտարարելով, որ հայ-վրացական տուրերի կազմման շրջանակներում երկու երկրների տուրիստական ընկերությունները պատրաստակամորեն ամրապնդում են համագործակցությունը եւ համատեղ ընդունում օտարերկրյա զբոսաշրջիկներին:

Փորձագետի գնահատմամբ, ակնկալվում է, որ հայ-վրացական տուրերը կկազմեն կովկասյան տուրերի ընդհանուր թվի շուրջ 30% - ը: