Հայկ Չոբանյան. Մենք պետք է Տավուշը լավագույն հանգստավայրը դարձնենք

Արմինֆո. Առավել կարեւոր է մարդկային ներուժը: Այդ մասին հունիսի 22-ին Դիլիջանում "Իմ քայլը հանուն Տավուշի" համաժողովի ընթացքում ասել է Տավուշի մարզպետ Հայկ Չոբանյանը։

"Ակնհայտ է, որ Բագրատաշենում ազատ տնտեսական գոտի ստեղծելու անհրաժեշտություն կա, որը կդառնա երկրի խոշոր լոգիստիկ կենտրոն։  Նպատակահարմար ենք գտնում Բագրատաշենի օդանավակայանի տարածքը օգտագործել  որպես հիմք տվյալ կենտրոնի ստեղծման համար։  Գտնվելով Տավուշի և Լոռու մարզերի խաչմերուկում ՝ այս գոտին կարող է հսկայական առավելություն տալ ԵԱՏՄ շրջանակներում համագործակցության տեսանկյունից", - նշել է Չոբանյանը։

Նա ընդգծել է, որ շարունակվելու են տարածաշրջանի զարգացմանն ուղղված ջանքերը։  "Մենք պետք է Տավուշը լավագույն վայր դարձնենք հանգստի համար։  Մեր մարզի կողքին է գտնվում Վրաստանը, և մենք պետք է անենք հնարավոր ամեն ինչ, որպեսզի զբոսաշրջիկներին գրավենք այնտեղից, այդ թվում նաև Վրաստանից։  Մենք պետք է ստեղծենք զբոսաշրջային նոր ուղղություններ, որոնցից մեկը Աճարկուրտ գյուղն է, որտեղ բնակվում է 200 մարդ։  Սա աշխարհի ամենագեղատեսիլ գյուղերից մեկն է, որի շուրջ գտնվում են 30-ից ավելի պատմամշակութային հուշարձաններ", - հայտարարել է Տավուշի մարզպետը։

Անդրադառնալով Դիլիջանին՝ Հայկ Չոբանյանը նշել է, որ ամեն ինչ արվում է քաղաքը ինտելեկտուալ տուրիզմի կենտրոն դարձնելու համար: "Մենք ունենք 110 հազար հեկտար գյուղատնտեսական հողեր, որոնցից օգտագործվում է ընդամենը 30 տոկոսը", - նշել է նա, միաժամանակ համոզմունք հայտնելով, որ առաջիկա տարիներին Տավուշի մարզը կարող է դառնալ խոշոր գյուղատնտեսական ներդրումային կենտրոն։

Մեր նպատակն է ամբողջ աշխարհին ցույց տալ մեր երկրի, մեր բնության բոլոր հնարավորությունները։ "Տավուշի գլխավոր առավելությունը այն մարդիկ են, ովքեր այստեղ են ապրում։  Նրանց օգնությամբ մենք կշարունակենք զարգացնել մեր մարզն ու մեր երկիրը", - եզրափակել է Չոբանյանը։