Արմինֆո. Ռուսական գազի գնագոյացումը Հայաստանի համար տնտեսական համատեքստում դիտարկելիս գների աճն անխուսափելի է ։ ԱրմԻնֆո-ին այդպիսի կարծիք է հայտնել էներգետիկ անվտանգության ոլորտի փորձագետ Վահե Դավթյանը ։
2019 թվականի հունվարի 1-ից Հայաստանի համար ռուսական գազի գինը 150 դոլարից հասել է 165 դոլարի ՝ հազար խորանարդ մետրի դիմաց ։ Սակայն սպառողների համար ներքին սակագները չեն բարձրացվել "Գազպրոմ" ՓԲԸ-ի հայկական "դուստր" ընկերության՝ <Գազպրոմ Արմենիայի> մարժայի կրճատման հաշվին ։
<Երեւանի եւ Մոսկվայի միջե բանակցություններ են ընթանում են արդեն կես տարի է, եւ սեպտեմբերին սպասվում է դրանց արդյունքների հրապարակումը: Սակայն, հարցի քննարկման տնտեսական մեթոդաբանությունից ելնելով՝ կարելի է կանխատեսել հաջորդ տարվա սկզբին գազի գնի՝ 10 տոկոսով բարձրացում: Իմ կանխատեսման հիմքում համաշխարհային էներգետիկ շուկայի միտումներն են ՝ վերջին երկու տարիներին երկնագույն վառելիքի արժեքի աճի տեսքով ։ Միայն 2018 թվականին Ռուսաստանից արտահանվող գազի արժեքը 23 տոկոսով բարձրացել է ՝ հասնելով 240 դոլարի>, - փաստել է փորձագետը ։
Միևնույն ժամանակ, Դավթյանը հիշեցրել է, որ Հայաստանը շարունակում է ռուսական գազը սահմանին գնել շուկայականից ցածր գնով ՝ քաղաքական գործոններով պայմանավորված ։ Այս համատեքստում նա չի բացառում ինչպես Հայաստանի համար ռուսական գազի գոյություն ունեցող գնի պահպանում, այնպես էլ՝ դրա իջեցում։ Սակայն, զուտ տնտեսական տեսանկյունից Հայաստանի համար ռուսական գազի գնագոյացման դիտարկման դեպքում գների աճը, նրա գնահատմամբ, անխուսափելի է ։
Մեկնաբանելով Հայաստանի եւ Բելառուսի առաջարկները՝ դեռեւս 2016 թվականին սկսված ԵԱՏՄ միասնական էներգետիկ շուկայի ձեւավորման ավարտի վերաբերյալ՝ փորձագետը այդ նախաձեռնությունը գնահատել է որպես միանգամայն իրագործելի: Ընդ որում, Դավթյանը այս ինտեգրացիոն մոդելի մեջ համակարգային թերություններ է տեսնում ։ Մասնավորապես, փորձագետը կարծում է, որ նկատի ունենալով Հայաստանում եւ Բելառուսում ներմուծվող գազով աշխատող ՋԷԿ-երում էլեկտրաէներգիայի հիմնական ծավալի արտադրությունը՝ հայկական եւ բելառուսական էլեկտրաէներգիան Ռուսաստանի եւ Ղազախստանի մասնակցությամբ ԵԱՏՄ ընդհանուր էներգետիկ շուկայում ուղղակի մրցունակ չի լինի:
Կարծիքը, թե ԵԱՏՄ ընդհանուր էներգետիկ շուկայի ձևավորումը թույլ կտա բոլոր անդամ երկրների համար գազի միասնական գներ ապահովել, Դավթյանը միֆ է համարում: Նրա գնահատմամբ ՝ հաշվի առնելով, օրինակ, ԵԱՏՄ մյուս երկրներից Հայաստանի կտրված լինելու խնդիրը և որպես հետևանք ՝ տարանցման արժեքը ներառվելու անհրաժեշտությունը՝ նման հարց ԵԱՏՄ օրակարգում իրականում պարզապես չկա։
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին