Արմինֆո. Քաղավիացիայի գլխավոր վարչությունը (ՔԱԳՎ) բանակցություններ է վարում ռուս ներդրողների հետ Հայաստանում ինքնաթիռների պահեստամասերի հավաքման եւ վերանորոգման ձեռնարկության կառուցման շուրջ: Այս մասին մամուլի ասուլիսի ժամանակ հայտարարել է ՔԱԳՎ պետ Տաթևիկ Ռևազյանը։ Այդ առնչությամբ նա ընդգծել է, որ խոսքը հազարավոր աշխատատեղերի մասին է ։
ՔԱԳՎ պետի խոսքով, եթե բանակցությունները հաջող ելք ստանան, մասնագետների վերապատրաստման մասով լուրջ աշխատանք իրականացնելու անհրաժեշտություն կլինի: Ներդրողի անունը հրապարակել վարչության ղեկավարը հրաժարվել է ՝ նշելով, որ բանակցությունները գտնվում են սկզբնական փուլում եւ դեռ վաղ է այն հրապարակել:
Բացի այդ, նրա խոսքով, ներդրողները շահագրգռված են նաեւ Հայաստանում օդաչուների, բորտինժեներների եւ ավիացիոն ոլորտի այլ կադրերի համար լիցենզավորված դպրոց բացելու հարցում: <Աշխարհում բարձր պահանջարկ կա ավիացիոն մասնագիտությունների համար։ Ընկերությունները, որոնք ցանկանում են ներդրումներ կատարել այդ ոլորտում, հաշվի են առնում այդ գործոնը>, - ասել է Ռեւազյանը ։
Միաժամանակ Ռեւազյանը հավելել է, որ կատարված աշխատանքի արդյունքում այսօր հայ մասնագետները կարող են անվճար ուսուցում անցնել Սինգապուրի ավիացիոն ակադեմիայում, Չինաստանի քաղաքացիական ավիացիայի կառույցներում, Թուլուզում (Ֆրանսիա) Քաղաքացիական ավիացիայի ազգային դպրոցում:
Ucom ընկերությունը՝ կռվախնձոր եւ շանտաժի առարկա
Կորոնավիրուսի հակաճգնաժամային միջոցառումերի տրամաբանությամբ. ինչպես է հաղթհարվելու եվ ինչի հաշվին
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 1)
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար
Տուլան պատրաստ է բարձրորակ հնդկահավի միս մատակարարել Հայաստան և օրգանական պարարտանյութերի արտադրության գործարան կառուցել