Հինգշաբթի, 15 Օգոստոսի 2019 13:48
Մարիաննա Մկրտչյան

Թիան Էրլուն. Հայկական մեղրը պահանջված կլինի Չինաստանի շուկայում

Թիան Էրլուն. Հայկական մեղրը պահանջված կլինի Չինաստանի շուկայում

Արմինֆո. Հայաստանում Չինաստանի դեսպան Թիան Էրլունը համոզված է, որ հայկական մեղրը պահանջված կլինի չինական շուկայում: Տավուշի մարզի Բերդ քաղաքի Մեղրի և հատապտուղների փառատոնում պատասխանելով Արմինֆո-ի թղթակցի հարցին, թե արդյոք Չինաստանում փորձել են Տավուշի մեղրը,  հաշվի առնելով այդ մթերքի ժողովրդականությունը չինական սպառողների շրջանում, և այն հանգամանքը, որ Հայաստանից ՉԺՀ մատակարարվող ապրանքատեսակներից մեկը հենց մեղրն է, դեսպանը հավաստիացրել է, որ գործընթացը նոր է սկսվում:

 

"Ես կարծում եմ, որ եթե շուկան բացվի, ապա այն կլինի վիթխարի, շատ տարողունակ։   Դուք գիտեք, որ այս տարվա մայիսին Չինաստանի արտաքին գործերի նախարար Վան ին այցելեց Հայաստան։  Այցի ընթացքում ստորագրվել է երկու երկրների քաղաքացիների առանց մուտքի արտոնագրերի փոխադարձ այցելությունների մասին միջկառավարական համաձայնագիր, ինչպես նաև Հայաստանից ներկրվող մեղրի որակական պարամետրերի մասին արձանագրություն: Ուստի, ես կարծում եմ, որ դա բարենպաստ հնարավորություն է, որպեսզի չինական շուկան բացվի նաև Հայկական գյուղատնտեսական արտադրանքի համար", - ասել է դեսպանը։

 

Անդրադառնալով այն հարցին, թե, իր կարծիքով, ինչպես կանդրադառնա վիզային ռեժիմի ազատականացումը երկու երկրների զբոսաշրջային ոլորտի վրա, դիվանագետն արձանագրել է, որ փաստաթղթի վավերացման ընթացակարգերը դեռեւս ավարտված չեն: "Բայց, կարծում եմ, որ դրանք շուտով կավարտվեն Հայաստանում, իսկ մեզ մոտ դրանք, փաստացի, ավարտված են։ Ես կարծում եմ, որ այս տարի համաձայնագիրն արդեն ուժի մեջ կմտնի, իսկ դա, իհարկե, կնպաստի մեր երկրների միջեւ զբոսաշրջիկների փոխանակման եւ համագործակցության ընդլայնմանը", - ասել է ՉԺՀ դեսպանը:

 

Այդ համատեքստում նա արձանագրել է, որ այս տարի, ինչպես, ի դեպ, վերջին մի քանի տարիների ընթացքում, նկատվում է Հայաստանում ճանապարհորդող չինացի զբոսաշրջիկների թվի աճ։  Նրա խոսքով՝ դա պայմանավորված է մուտքի դյուրացված ընթացակարգերով, հայկական հյուրընկալությամբ, Հայաստանի հիասքանչ բնությամբ։  Էրլունը համոզված է, որ այս ամենը համալիրում շատ գրավիչ է օտարերկրյա զբոսաշրջիկի համար, հատկապես՝ Չինաստանից:

 

Ինչպես ավելի վաղ ԱրմԻնֆոն հաղորդել էր, ՀՀ կառավարությունը  հուլիսի 11-ի նիստում հավանություն է տվել Հայաստանի և Չինաստանի միջև վիզաների վերացման վերաբերյալ համաձայնագրի նախագծին, որը սահմանված կարգով կներկայացվի  Ազգային ժողովի վավերացմանը։ 

 

Հավելենք, որ դեռ 2015 թվականին հայկական մեղրի Չինաստան արտահանման ծավալը կազմել է ընդամենը 90 հազար դոլար, իսկ 2016-ին ՉԺՀ-ն արգելել է այն մատակարարել պահանջվող չափանիշներին չհամապատասխանելու պատճառով։  2017 թվականին Չինաստանում ՀՀ դեսպան Սերգեյ Մանասարյանը տեղեկացրել էր, որ հայկական կողմը հաշվի է առել այդ հանգամանքը և կարողացել է անցնել հավաստագրման անհրաժեշտ ընթացակարգեր, ինչի հետևանքով մեղրի մատակարարումները պետք է վերսկսվեին: Ստորագրվել է թույլտվություն ստանալու նախնական համաձայնագիրը։

 

ՀՀ մաքսային ծառայության տվյալներով՝ 2018 թվականին Հայաստանը մեղրի արտահանումը կրճատել է 37.9 տոկոսով՝ մինչև հասնելով 34.4 տոննա։ Ընդ որում, մաքսային արժեքը նվազել է 25 տոկոսով՝ մինչեւ 259.4 հազար դոլար: Արտահանվող մեղրի ողջ ծավալը բաժին է ընկնում, առավելապես, ԱՄՆ շուկային (85 տոկոս), մնացած մասը բաշխված է Ռուսաստանի (5,5 տոկոս), ԱՄԷ-ի (2,3 տոկոս), Բելգիայի (1,7 տոկոս), Լիբանանի (1,1 տոկոս) միջեւ: Չինաստան մատակարարվում է արտահանման ընդհանուր ծավալի ընդամենը 0,3% - ը ։

 

Ընդ որում, դրական դինամիկա է նկատվում մեղրի ներմուծման մասով։ Մասնավորապես, ներկրվող մեղրի ծավալներն աճել են 53,3 տոկոսով՝ մինչեւ 21 տոննա, մաքսային արժեքի 53,3 տոկոսով, մինչեւ 108,2 հազար դոլար աճի դեպքում: Որպես հիմնական ներկրման շուկա հանդես է գալիս Ուկրաինան (96,2 տոկոս): Հրակ է նշել, որ ՀՀ վիճակագրական կոմիտեում մեղրի արտադրության տվյալները բացակայում են։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
24.09.2020
RUB6.28-0.08
USD485.32-0.10
EUR565.06-3.56
GBP618.490.36
CAD362.13-2.35
JPY46.06-0.18
CNY71.34-0.06
CHF524.33-3.70



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000